“Formula 1”: mövsümün ilk Qran-prisinin qalibi müəyyənləşib

Formula 1” üzrə dünya çempionatında mövsümün ilk Qran-prisinin qalibi müəyyənləşib. Elchi.az-ın  məlumatına görə, Bəhreyndə təşkil olunan yarışın birinci mərhələsində “Red Bull”un pilotu Maks Ferstappen hamını qabaqlayıb. Niderlandlı üçqat dünya çempionu finişə birinci çatıb. Onun komanda yoldaşı Serxio Peres ikinci yeri tutub. İlk “üçlüy”ü “Ferrari”dən Karlos Saynz qapayıb. Qeyd edək ki, ikinci tur 7-9 mart tarixlərində Səudiyyə Ərəbistanında keçiriləcək.