Finlandiyanın baş naziri Sanna Marin və İsveçin baş naziri Ulf Kristersson iki ölkənin təhlükəsizliyinin bir-birinə bağlı olduğunu ifadə edərək NATO-ya üzvlük müraciəti prosesini birlikdə yekunlaşdırmaq istədiklərini bildiriblər.
Elchi.az xəbər verir ki, hər iki ölkənin baş nazirləri bu barədə Stokholmda birgə mətbuat konfransında açıqlama verib.
Marin İsveçlə NATO-ya üzvlük üçün müraciət etdiklərini və prosesi birlikdə tamamlamaq istədiklərini ifadə edərək deyib:
“Birgə işləyirik. Bu mövzuda hər gün yaxın təmasdayıq”.
Görüş zamanı Marin Ukraynaya dəstəyin davam etdirilməsi və NATO-da iştirakı müzakirə etdiklərini, həmçinin Kiyevi dəstəkləməyə davam edəcəklərini vurğulayıb.
Aİ-yə gedən yolda Ukraynaya kömək edəcəyik…
Ukraynalıların özlərinə güvənə biləcəyini deyən Marin Avropa İttifaqına (Aİ) üzv olmaq yolunda Kiyevə kömək edəcəklərini qeyd edib.
Rusiya-Ukrayna müharibəsi səbəbiylə Avropada təhlükəsizlik nizamının qalıcı şəkildə dəyişdiyinə diqqət çəkən Marin həmçinin söyləyib:
“Finlandiya və İsveçin təhlükəsizliyi bir-birinə bağlıdır. NATO-ya birlikdə daxil olmağımız bütün alyansın maraqlarına cavab verir. Madriddə razılaşdırıldığı kimi, Türkiyənin ifadə etdiyi narahatlıqları aradan qaldırdıq. Ümid edirik ki, bütün NATO üzv dövlətləri bizim müraciətimizi tezliklə təsdiqləyəcəklər. Biz onların müttəfiq olacaqlarına inanırıq”.
Dini məsələlərə hörmətin Finlandiya qanunlarında yer aldığını bildirən Marin deyib:
“Biz Quranın və ya İncilin yandırılmasına icazə vermirik. İnsanların istədiklərinə inanmaq azadlığını qorumaq istəyirik. Finlandiyada ictimai yerlərdə odun yandırılması ilə bağlı bəzi qanunlar da var. Siz təkcə Quranı deyil, hətta öz kitabınızı da yandıra bilməzsiniz”.
“İsveçin üzvlüyü uzun sürsə nə olacaq?”sualına Marin, “Vəziyyətin sinifdəki nadinc uşaq kimi təqdim olunması qəribədir. İsveç NATO üzvü olmaq üçün də tələbləri yerinə yetirir. Ölkədəki bu atmosferi bəyənmirəm. İsveç “problemli” kimi təqdim olunur.” cavabını verdi.
Son şərhlər