Hollandiyada mühacirətdə yaşayan həmvətənimiz Fikrət Hüseynli Belçikada siyasi mühacir həyatı yaşayan Mirzə Sakitin və İsveçrədə yaşayan Elbəyi Həsənlinin açıqlamalarında onun adını hallandırmalarından narazı qalaraq, qarşı tərəf kimi söz haqqından istifadə edib və öz mövqeyini qələmə laraq Musavat.com-a göndərib.
F.Hüseynlinin açıqlamasını dərc edirik: “Öncə deyim ki, yazının başlığının “Fikrət Huseynlidən şübhələnirəm” formada olmasını etik saymıram. Ümumiyyətlə, hansısa şübhə üzərində bir adamın digərini ittiham etməsi normal deyil. O da ola professional jurnalist adına iddia edəsən və bu cür qeyri-ciddi açıqlama verəsən.
Ona qalsa, mən də deyə bilərəm ki, Elbəyi Həsənlidən şübhələnirəm ki, o, İsveçrədə toyuq oğurluğuyla məşğuldur və ya göldən ördək oğurlayıb kabab çəkir. Həmçinin Elbəyi Həsənli deyir ki, guya mən həyat və fəaliyyətimi davamlı ona həsr etməklə keçirirəm. Mənim facebook səhifəmi araşdıran görə bilər ki, o, gözünün içinə qədər yalan deyir. Çünki mən vur-tut bir dəfə onun barədə status paylaşmışam o qədər. Onunla da bitib gedib. İndi bu şəxsin guya onu daim təqib etdiyimi deməsi sadəcə özü demişkən, Fantamazın fantaziyasından da o tərəfədir. Ya da güzgüdə özünü o qədər böyük görür ki, düşünür bunu daim təqib edir, izləyir, aradan götürmək istəyirlər. Nəhayət, gəldik bu yazı məsələsinə. Avropada yaşayanlar bilir ki, illər keçdikcə buralarda zaman qızıla dönür. Çünki o qədər ödəmələr meydana gəlir ki, bir yox, 2, bəzən 3 işlə məşğul olmalı olursan. Mən də davamlı olaraq çalışdığımdan xüsusi bir vaxtım yoxdur ki, oturam Mirzə Sakitlə Elbəyi Həsənlinin harda nə qeybətləşməsini izləyəm. Bu yazışma 10 gündür ki, inboksları dolaşır. Ən azı 50 adamın xəbəri olandan sonra mən bilmişəm ki, belə bir yazışma var. Özü də deyirlər ki, hələ bu yazışmanın hamısı deyil. Yazışmanın bir hissəsi də var ki, həmin hissədə Mirzə Sakit Belçika, Almaniya, Hollandiyada olan müsavatçılar haqqında Elbəyiyə məlumat ötürür. Bu məlumat harda kimin status alması, kimin kimin adamı olması, kimi kiminlə gəzməsi və sairlə bağlıdır. Mən isə ümumiyyətlə, Eldəniz Yusibov və digər bəylər və bir xanıma qarşı təhqiramiz fikirlər, böhtanlar yazan biriylə – Elbəyi Həsənliylə Mirzə Sakitin bu və ya digər yazışmalarını etik saymıram. Paylaşılan yazını isə bu adamlar təkzib edəcək ciddi bir fakt ortaya qoymadılar. Necə ola bilər ki, iki adam yazışır və onların heç birində yazışmanın arxivi qalmayıb? Deməli, yazışma olub və elə məhz bu cür də söhbət ediblər. Profilimizi sındırıblar, bizim əvəzimizdən yazışıblar və sairlər qeyri-ciddi fikirlərdir. Guya, eyni anda Elbəyi Həsənli ilə Mirzə Sakiti tutub dirəyə sarıyıb onların əvəzindən kimlərsə yazışma edib? Həm İsveçrədə, həm Belçikada əməliyyat keçirilib?)) Gülünc danışmasınlar. Elədikləri əməldən utanıb səslərini çıxartmasınlar. Abırları varsa, abırlarına boğulsunlar. Fakt yazışma olub. Mənə qarşı qərəzdən çıxış edərək bu şəri, ləkəni mənə yaxmaq istəyirlər, amma alınmadı və alınmaz. Məni hamı tanıyır. Mən arxada danışıb dərddən ölüncə, sözü üzə deyib güllədən ölərəm. Vüqar Rəşidovun adını niyə hallandırırlar, anlamıram. Rəşidov özü yazır ki, sonuncu dəfə Mirzəni 2014-ci ilin yayında görüb. 1 ildən çoxdur görmədiyi adam onun parolunu hardan bilər. Vüqar Rəşidov daim Mirzə Sakitə dost kimi diqqət göstərən, yanına gəlib-gedən adam olub. Bunu hamı bilir. İndi durub bu dostluğu da murdarlamaq onu göstərir ki, Mirzə üçün puldan başqa müqəddəs heç nə yoxdur. Amma bütün olanların qarşılığında mən birmənalı şəkildə bəyan edirəm ki, bu məsələdə istər Mirzənin, istərsə də Elbəyi Həsənlinin mənim adımı hallandırmalarının əleyhinəyəm. Yazışmaları Cosqun Zəka adla profildən paylaşıblar. Bunlar da təkzib edəcək fakt ortaya qoya bilməyiblər. Sabah başqa yazışma da paylaşa bilərlər və mənim bununla məşğul olacaq nə həvəsim, nə də zamanım var. Mən sözümü həmişə üzə demişəm və daima da belə olacaq. Profil sındırmaq, inboksda qeybət qırmaq mənlik deyil. Eyni zamanda adları çəkilən şəxslərlə mənim münasibətlərim o səviyyədədir ki, mən bir yox, lap 100 Mirzə olsa, onu etmərəm. Bu adamlarla biz qürbətdə bir yerdə mübarizə aprıb, daima bir-birimizin xeyir və şərinə şərik oluruq. Bilən bilir ki, mən bəziləri kimi çörəyi dizinin üstündə olan adam deyiləm.
Nəhayət, sonda Mirzə Sakitə bir sual ünlvanamaq istəyirəm. “Azadlıq” qəzetinin əməkdaşı Aqil Xəlil elan etdi ki, Avropa Məhkəməsinin qərarına görə Azərrbaycan hökumətindən alacağı pulu siyasi məhbus aillərinə, Sərhədsiz Repaftyorlar Təşkilatına, “Azadlıq” qəzetinin əməkdaşlarına bağışlayıb, özünə cüzi bir məbləğ götürəcək. İndi o da Avropa Məhkəməsinin qərarına görə, təzminat almalıdır. O puldan hansısa bir siyasi məhbusa, imkansıza, xəstəyə yardım göstərmək fikrindədir, ya yox? Yoxsa düşünür ki, aparıb hamısını Türkiyədə kitab çapı adıyla xərcləyəcək? Yeri gəlmişkən, onu da xatırladım ki, sosial yardım aldığı üçün pul hesaba keçirilən kimi Mirzə Sakitin bir müddət yardımı kəsiləcək. Ona görə də o pulu xeyriyyə adıyla heç olmasa, imkansızlara bağışlasın ki, bir savab qazansın. Üstündə rəhmət oxuyan tapılsın. 5 günlük dünyadır. Axşamdan səhərə etibar yoxdu”.
Son şərhlər