Donald Tramp 2024-cü ilin payızında keçiriləcək seçkilərdə qalib gələrək yenidən ABŞ prezidenti olacaq.
Elchi.az xəbər verir ki, bu proqnozu Suriya prezidenti Bəşər Əsəd Rusiya mətbuatına müsahibəsində verib.
Əsəd bildirib ki, mediadan və digər mənbələrdən gələn məlumatları təhlil etsəniz, Trampın qalib gələcəyini başa düşmək olar.
Eyni zamanda o qeyd edib ki, Amerika prezidentləri “bir-birinə bənzəyir” və əslində “icraçı direktor” rolunu oynayırlar. Onların arxasında həmişə “həqiqətən siyasətlə məşğul olan” personajlar olur.
“Seçkilərdə kimin qalib gələcəyinin pərdəsi arxasında kimin həqiqətən siyasətlə məşğul olduğunu bilməlisiniz. Bu, bir oyunçudur – lobbi, media, maliyyəçilər və bankirlər, silah və neft”, – Əsəd bildirib.
Suriya prezidentinin sözlərinə görə, oyunçu “hər halda qalib gələcək”.
Nuranə Məmmədova
Son şərhlər