“Bütün Qərb ölkələri, əsas da ABŞ hansı dövlətləri düşmən sayır?
Rusiya və İranı,
Ermənistanın iqtisadi, siyasi, hərbi əlaqələrindən ilk iki yeri hansı ölkələr tutur?
Rusiya və İran,
Son zamanlar hansı ölkə Ermənistanla hərbi-iqtisadi və siyasi əlaqələrini genişləndirir?
İran
Hansı ölkənin Ermənistanda hərbi bazası var?
Rusiyanın,
Hansı ölkə Ermənistanın Türkiyə ilə sərhədlərini qoruyur?
Rusiya,
Hansı ölkə Ermənistana silah verir və son olaraq dronlarla bağlı danışıqlar aparır?
Rusiya və İran,
Yaxşı, bəs Azərbaycanın ən böyük ticarət tərəfdaşları kimdir?
İtaliya, İsrail, Türkiyə və AB ölkələri,
Azərbaycan hansı ölkələrə ən çox bu gün daha da aktual olan enerji daşıyıcıları satır?
AB ölkələri və İsrail,
Azərbaycanda xarici investorlar kimi hansı ölkələr öndədir?
Böyük Britaniya, ABŞ, AB ölkələri və Türkiyə”.
Elchi.az xəbər verir ki, bu barədə siyasi şərhçi, iqtisadçı Natiq Cəfərli FB hesabında bildirib:
“Yaxşı, bu mənzərəyə baxsaq Qərb dövlətləri sözsüz-sualsız kimi dəstəkləməlidir? Təbii ki, Azərbaycanı, bir tək mənzərəyə görə yox, həm də Azərbaycanın haqlı olduğuna, beynəlxalq hüquqa söykəndiyinə görə bizi dəstəkləməlidir. Yəni, Qərbin iki böyük düşməni, Rusiya və İran birmənalı Ermənistanda hegamondurlar, bunu biz nədən beynəlxalq əlaqələrimizdə önə çəkib, vurğulayıb lehimizə çevirə bilmirik?!
Hökumətin də Allah üzünü qara eləməsin yazıqdır, xarici siyasətdə 2020-2021-ci illərdə bir neçə doğru addım atdılar, təriflədik, həmən zayını çıxartmağa başladılar, çünki arxayınlıq yarandı, arxayınlıq isə məğlubiyyətə gedən yolun ilk addımlarıdır. Hökumət arxayınlıqdan ayılmalı, daha aktiv xarici siyasət yürütməli, lehimizə olan bu qədər amillərdən normal istifadə etməyi bacarmalıdır. Gecikmək olmaz, çünki, “Ermənistanın Rusiyanın təsirindən çıxaracağıq”, deyən Qərb yanlış yoldan bu işə girişib, onlara aydın izah etmək lazımdır ki, Ermənistanın Qərbə inteqrasiyası ancaq Türkiyə və Azərbaycanla normal münasibətlərin qurulmasından keçir…”.
Yeganə
Son şərhlər