“Ermənistanda seçkilər müxalifətə görünməmiş təzyiqlər və Qərbin müdaxiləsi fonunda baş tutub”.
Elchi.az xəbər verir ki, bu fikirləri Rusiya Xarici İşlər Nazirliyinin sözçüsü Mariya Zaxarova bildirib.
O, həmçinin qeyd edib ki, Rusiya Ermənistana qarşı siyasətini Ermənistan rəhbərliyinin faktiki hərəkətləri əsasında formalaşdırmaq niyyətindədir. Seçkilərdən sonra Ermənistanda Paşinyanın Vətəndaş Müqaviləsi partiyasına dəstək əhəmiyyətli dərəcədə azalıb. Zaxarova bəyan edib ki, Moskva həmişə güclü və həqiqi suveren Ermənistanda maraqlı olub və olacaq.
Onun fikrincə, Ermənistanda keçirilən son seçkilər Ermənistan cəmiyyətinin son dərəcə qütbləşdiyini açıq şəkildə nümayiş etdirdi. Ermənistan cəmiyyətində Rusiya ilə əlaqələrin inkişaf etdirilməsi və Ermənistanın Avrasiya İqtisadi İttifaqına (Aİİ) üzvlüyünün davam etdirilməsinə açıq tələb var.
Zaxarova bəyan edib ki, erməni xalqı Rusiya ilə qardaşdır, Rusiya onlara sülh və firavanlıq arzulayır
Yeganə
