Ermənilərin “Funtik”i, yəni Fuad Abbasovu

Rusiyadakı ermənilərin “Funtik” ləqəbi verdikləri
Fuad Abbasovun siyasi tamaşaları və təxribatları
Mən çox təəssüf edirəm ki, Azərbaycan ictimaiyyətinin bəzi üzvləri ilk vaxtlar Fuad Abbasovun qurduğu planlara, yazdığı ssenariyə və oynadığı tamaşaya inanaraq ona qucaq açdılar, məhəbbət göstərdilər. Əlbəttə, bunlar bizim xalqın sadəlöhvlüyündən irəli gəlir. Amma bu sadəlöhvlük əksər hallarda sonda bizim ən böyük düşmənimizə çevrilir.Bu insanın başdan ayağa saxta olduğu onun hər addımından bəlli olub və  bu gün də özünü göstərməkdədir. Fuad Abbasovun necə saxtakar olduğu. Hansı manipulyasiyalarla etibar qazanıb öz çirkin niyyətlərini həyata keçirdiyini bəzi faktlarla diqqətinizə çatdırmaq istərdim: 2019-cu il aprelin 9-da bu təxribatçı- dələduz Azərbaycana gəlib və burada rahatca yaşamasına baxmayaraq, gələn günün səhəri özünün Rusiyadan deportasiya olunacağı haqqında xəbərlərin tirajlamasına start verir. Qəhrəman axtarışında olan Azərbaycanın bəzi kütləvi informasiya vasitələri də bu mövzu ətrafında hay-küy qaldırmağa, bu saxtakarı “Azərbaycan xalqının haqlarının müdafiəçisi” kimi xalqa təqdim etməyə başlayırlarlar. Sakitcə 5 gün pusquda oturduqdan sonra aprelin 14-də efirə çıxan Fuad Abbasov hazırda Azərbaycanda olmasını heç kimə bildirmir.  Xaçmazdan, sözün əsl mənasında sadəlöhv xalqa tamaşa göstərən Fuad “ŞOK AÇIQLAMALAR! AZ SONRA!” kimi ucuz şoularla kütləni daha da qızışdırır. 15-də yenidən milləti aldadıb ondan topladığı pulla aldığı telefonla efirə çıxır və utanmadan bəyan edir: “Hər şey normaldır, ancaq müəyyən səbəblərdən başqa yerdə olmalı və kənar yerlərdən efirə çıxmalıyam”. Görün bu əxlaqsız, dələduz xalqı öz maraqları naminə necə məsxərəyə qoyub aldadırmış. Nəhayət, mənim iynəli materiallarımdan sonra üzə çıxır və sadəlöhv, “həmvətənləri” üçün narahat xalqa bildirir ki, o Azərbaycandadır.  Fuad Abbasovun həmin günlərdə erməni ağalarının göstərişlərinə əsasən  Azərbaycanda kütləyə hesablanmış yalan, iftira və kinayə dolu müraciətləri  əslində Rusiyaya deyil, burada yaşayan milyonlarla azərbaycanlının həyatını zəhərləməyə,  Azərbaycan diasporunun nüfuzlu insanlarını ləkələməyə, gözdən salmağa hesablanmışdı.Məhz bu muzdlu təxribatçı öz erməni ağalarının tapşırığı ilə bir vədə də çeçen-azərbaycanlı qarşıdurmasını qızışdırmağa çox səy göstərmişdi. Ancaq alınmadı. Bundan çox az sonra yazdım ki, Fuad Abbasov yalançı erməni xofu yayan, pul toplamaq xatirinə Azərbaycan-çeçen münaqişəsini qızışdırıb sonradan “sakitləşdirilməsində” guya vasitəçi olan, çirkin oyunlar oynayan bir avantüristdir. Özü feyk xəbər yayaraq guya ermənilərin onu öldürmək istəməsini tirajlayırdı. Məgər ermənilər Fuadı məhv etmək istəyirdilər, əsla yox. Əksinə,Fuad onların ən yaxın dostu, ən qiymətli kadırı, əlaltısı və onların görə bilmədiyi işi diasporumuzda görən, onların bacarmadığı dağıdıcı fəaliyyəti məharətlə bacaran biri dədləduz idi.Fuad Abbasovun Moskvada olduğu dövrdə dayanmadan AzerRosu FNKA –nı, xüsusilə onun rəhbəri Mehriban Sadıqovanı kəskin tənqid etməsinin arxasında nələrin durduğu da bəlli idi. Bəzən düşünürdüm, nədən bu insan Rusiyada qeydiyyatda olan 300-dən çox Azərbaycan təşkilatının fəaliyyəti göprünməyən ən azından 250-ni belə tənqid etmir, amma öz çox məhdud imkanları ilə bir çox tədbirlər keçirən AzerRos-u daim hədfdə saxlayaraq, öz feyk informasiyaları ilə ona qara yaxmağa çalışır. Cavab çox sadə imiş: Bu saxtakar, təxribatçı dələduzun məqsədi Mehriban Sadıqovanın təşkilatın prezidenti vəzifəsinə yox, Rusiya Federasiyası Prezidentinin yanında Şuranın üzvlüyü kimi nüfuzlu yerinə sahib çıxmağa çalışırmış. Fuadın sifarışçıləri məhz bu yer üçün dişlərini qıcıyırlar. Amma ona görə yox ki, xalq üçün faydalı bir iş görsünmlər, ona görə ki, Birinciyə yaxın olsunlar, Prezidentə əlləri çatsın, onunla şəkil çəkdirib öz xəstə təxəyyüllərinə nail olsunlar, heç olmaya öz foto-nüfuzlarını qaldıra bilsinlər.Özünü yalançı, saxta məlumatlarla vətənpərvər kimi gözə soxmağa çalışan Fuad Abbasovdan soruşan yoxdurmu ki, “Fud siti”də Azərbaycan Prezidenti postuna namizəd kimi imza toplamaqda məqsədi nə idi. Özü etiraf etməsə də mən deyə bilərəm, qoy xalqımız bilsin: Fuad Abbasov Azərbaycan hakimiyyətinin gizli və çox qorxulu düşmənlərindən biridir. O özü də yaxşı bilir ki, bəzi Avropa ölkələrindəki azərbaycanlılardan- Prezident İlham Əliyevin sərt düşmənlərindən və Azərbaycanda “rəngli inqilabların” mümkün ssenarilərinin müəlliflərindən  pullar havayıdan onun bank kartlarına axmırdı. Bu faktla danılmazdır. Onda da, bu yaxınlarda Milli Məclisə namizədliyini irəli sürəndə də Fuadın əsas məqsədi ağalarının məxvi tapşırıqlarını yerinə yetirmək olub.Özünü Azərbaycanın sadə xalqına onun  hüquqlarının müdafiəçisi kimi demək olar, sırımağa müəyyən qədər nail olan Fuad Abbasov öz gizli maliyyəçiləri və erməni himayədarları sayəsində Rusiya telekanallarına daxil olmuş və onların sayəsində burada manapoliya yaratmışdı ki, verilişin qabaqcadan hazırlanmış ssenarilərini dağıda biləcək Samir Məmmədov kimi qətiyyətli və ağıllı azərbaycanlıların bura buraxılmasına imkan verməsin.Bu siyasi təxribatçı onun uydurmalarını ifşa edən hər kəsə erməni və Vətən xaini damğası vurmaqla ləkələməyə çalışırdı. Amma bizə məlumdur ki, erməni ağalarının “Funtik” ləqəbi verdikləri və fəaliyyətindən çox razı qaldıqları bu satqının boş başına gündə and içirlər ki, kaş yatmış azərbaycanlılar onun iç üzünü açmasınlar, onu qəhrəmanlaşdırsınlar, ona pul göndərsinlər, onlar da altdan-altdan öz işlərini yeritsinlər. Babayan bu “Funtik”in ən yaxın dostlarındandır və efirdə mızıqlaşmaqlarının kadrları da var. Bu həmin Babayandır ki, “Funtikə” atalıq qayğısı göstərib efirlərə maneəsiz giriş təmin edib, məhz onun göstərişi ilə Fuadın Qarabağımızı müdafiə edən politoloq Samir Məmmədovu susdurmaq cəhdlərini əks etdirən kadrlar da əlimizdə var. Bunlar o kadrlardır ki,Fuad və Aydın Mehdiyev adlı həmfikri Samir Məmmədovu müdafiə etmək əvəzinə rəisləri Babayanın dedikləri ilə onu susdurmağa qalxmışlar.Bu təxribatçının özünə necə ağızdolusu jurnalist deməsi mənə qətiyyən aydın deyil? Nə rus dilində, nə də ki, Azərbaycan dilində iki kəlmə savadlı bir fikir yaza bilməyən adamdan nə jurnalist? Fuad Abbasov dələduz, saxtakar və təxribatçıdır, jurnalist yox. Jurnalist olan kəs Rusiyanın 7 bankında kart hesablarını və oraya toplanan milyonlarla pulu neyləyir görəsən? Bütün bunların da bizdə çıxarışları var və hamısı üzə çıxarılacaq.Yeri gəlmişkən, ondan soruşmaq gərək, efirə çıxmaq üçün bir telefonun belə bəs etdiyi halda, yalançı vətənpərvərlik şüarları ilə millətimizin zəhmətkeş insanlarının qılığına girib, onları aldadaraq əldə etdiyi 500 min dollardan artıq vəsaiti hara sərf etmişdir? Biz hələ onu demirik ki, bu rəzil insan böyük vətənpərvər jurnalist, millətimizin fəxri rəhmətlik Orxan Camalın yeniyetmə oğlu Mansurun dəstəyi və mahnısı ilə öz şəxsi kartının nömrəsini efirdə verib başsız qalmış bir ailənin faciəsi üzərində yığdığı pulları belə vicdansızcasına  mənimsəmişdir? Bütün bunların hesabını Fuaddan soruşacaqlar, bu şübhəsizdir.Hələ onu da soruşacaqlar ki, niyə bu əxlaqsız, fırıldaqçı Türkiyədə evi, Azərbaycanda evi və torpaq sahəsi ola-ola evsiz qaldığını deyərək, xalqımızın hissləri ilə oynamış və milyonlar toplayaraq evlərinin kreditini bağlayıb? 1998-ci ildən bəri Rusiyada olan, bir azərbaycanlıya belə faydası dəyməyən, əksinə Kalininqradda iki şirkət təsis edib min hokkalardan çıxan, nəticədə isə vergilərdən yayınıb Moskvaya qaçan bu dələduzun hansı vətənpərvər hərəkəti var qoy söyləsin, bilək.Qarabağdan ağzıdolusu danışan bu insana bir sual verən varmı ki, o Azərbaycan vətəndaşı ola-ola ordu sıralarında niyə qulluq etməyib, hərbi qulluqdan niyə yayınıb. Bu fərari 1998-ci ildə ali məktəbi bitirdikdən sonra elmi fəaliyyətlə məşğul olmayıb ki, deyək, elmi dərəcəsi var, alimdir ona görə orduda xidmətə çağrılmayıb. Belə olan halda  Azərbaycan ordusunda xidmətdən qaçaraq Rusiyada gizlənmiş “dezertir” Fuad Abbasov “xalq artisti” kimi hansı ədalətdən və vətənpərvərlikdən dəm vurub parlament seçkilərində qanunsuzluqlardan bəyanatlar verir? Olmaya onu maliyyələşdirən ağalarından artıq təxribat fəaliyyətinə başlamaq əmri alıb? Heç şübhə etmirəm ki, indi məhz onun gözlədiyi ən münasib məqamdır.  Bu saxta insanın Türkiyəni və Azərbaycanı çox sevdiyini hər addımda söyləməsi də təsadüf deyil. Hələ tələbəlik illərindən onu Türkiyə ilə bağlayan əsas bağlardan biri FETÖ-nun nurçuları ilə sıx təmasda olması idi. Bəlkə elə bu səbəbdən də xidmətə uyğun gəlməməsi bəhanəsilə Türkiyənin iki informasiya agentliyindən qovulmuş, 2016-cı ildən isə jurnalist fəaliyyətini təsdiq edən heç bir rəsmi sənədi olmamışdır.Bütün bunlardan sonra üzümü bir daha bu rəzil, təxribatçı və dələduz insana tutub sual edirəm:  Fuad Abbasov sən sadə xalqımızı, millətimizi daha nə qədər aldadacaqsan, avam və primitiv düşüncəli hesab edəcəksən?  Yetməzmi min hiylə ilə topladıqların? İndi ağalarının tapşırıqlarına əsasən ölkənin sabitliyinə, xalqın rifahına xələl gətirmək üçün hansı kələklərə, təxribatlara əl atmağa hazırlaşırsan? Yox, daha biz buna imkan vermərik və xalqa sənin iç üzünü göstərəcəyik. Çünki biz xalqımızı sevirik, onun həqiqəti bilməsini istəyirik, onun sənin kimi əclaflara ədalətli qiymət verməsi üçün bütün imkanlarımızı səfərbər edəcəyik.AZRU informasiya portalının baş redaktoru, politoloq Roman Ağayev