Türkiyə Prezidenti Rəcəb Tayyib Ərdoğan müxalifət deputatlarının yeni ədliyyə naziri Akın Gürləkin andiçməsinin qarşısını almaq üçün çərşənbə günü parlament tribunasını zəbt etməsini qanunsuzluq kimi qiymətləndirib.
Elchi.az xəbər verir ki, bu barədə Ərdoğan Ankarada hakim Ədalət və İnkişaf Partiyasının regional təşkilat rəhbərləri ilə görüşdə bildirib. Görüş TRT Haber telekanalı tərəfindən yayımlanıb.
“Nazirlərimizin and içməsinə mane olmaq üçün onlar (müxalifət) müxtəlif qanunsuz üsullara əl atdılar, o cümlədən xalqın tribunasını zəbt etdilər. Siyasi institutlara etimadı sarsıdan, parlamentin nüfuzuna xələl gətirən və xalqımızı təhqir edən müxalifətin hücumlarını qınayır və rədd edirəm”, — deyib.
Məryəm
