“Bu gün Əbülfəz Elçibəyin vəfatı günüdür! Onu yalnız Teymurləngin qəbrinin açılması müəmması qədər müəmmalı İNSAN saymaq olar və Bəyin ruhu xatirinə yazıram bu statusu”.
Elchi.az xəbər verir ki, bu sözləri jurnalist Aydın Canıyev Feysbuk hesabında qeyd edib:
“Deyilməyən Sirlər, Həyata keçirilməyən Sui-qəsdlər!
Sirri faş etməzlər – Qurani-Kərim belə buyurur… İnsanlar arasında! Bir insanın sirrini faş edərsən, sirrin olmasa belə, Allah səni sirr sahibi edər və o sirri faş edər… Rüsvayçılığın dil yandırar!
Əbülfəz Elçibəy çox sirləri apardı özüylə!
Mən Bəyin böyük düşüncə adamı olduğunu bilirəm! Amma bilmədiyim tək bir budur ki, o sirlərdən mən bilən bircəsini desəydi, bəlkə də Azərbaycan bu gün bu vəziyyətdə olmazdı! Yüz minlərlə insan əzabda qalmazdı! Yüz minlərlə günahsız insan həbs olunmazdı!
Demədi, Bəy, demədi!
Demədi ki:
- Ey Böyük Türk, Heydər Əliyev mənim pərəstiş etdiyim, böyüklüyünü dərk etdiyim nəhəng siyasətçidir, səcdə etdiyim dövlətçidir! O nə edir, düz edir, mərceyi-təqlidiniz mənəmsə, Məhəmməd Peyğəmbər “Məni istəyən Əlini istəsin” deyən kimi deyirəm: “Məni istəyən Heydər Əliyevi istəsin”! Demədi!!!
Əbülfəz Elçibəy öləndə Heydər Əliyev göz yaşlarını saxlaya bilmədi, Heydər Əliyev öləndə Əbülfəz Elçibəyin əzizləri…
Əbülfəz Elçibəy yolunda olanların tam əksəriyyəti də Heydər Əliyev irsinin peşində… arada yüzlərlə, minlərlə, on minlərlə, yüzminlərlə günahsız insan zülmdə!
Görünür, ağlım Elçibəy böyüklüyünü dərk etməyə çatmır: bəlkə desəydi bu həqiqəti, daha çox insan zülmə düşərdi?
İstənilən halda, ruhun şad olsun, anlamadığımız, anlamadığımız qədər də Böyük Bəy!…
Son şərhlər