Qərbi Afrika Ölkələrinin İqtisadi Birliyi (ECOWAS) vəziyyətin həll olunmamasına görə Nigeri hərbi müdaxilə ilə hədələyib. Elchi.az xəbər verir ki, bu barədə icmanın siyasi məsələlər, sülh və təhlükəsizlik üzrə komissarı Abdel-Fatau Musa bildirib.
“Əgər söhbət döyüşə gedərsə, konstitusiya quruluşunun bərpasını təmin etmək üçün qoşunlarımız, texnikamız və öz resurslarımızla Nigerə gedəcəyik. Əgər digər demokratik tərəfdaşlar bizi dəstəkləmək istəsələr, biz buna şad olarıq”, – “ECOWAS” sözçüsü bildirib.
O, Qərbi Afrikanın hərbi və mülki qüvvələrinin çağırışa cavab verməyə hazır olduğunu bildirib. Hazırlıq nümunəsi kimi o, “ECOWAS” qüvvələrinin Qambiya və Liberiyada əvvəlki yerləşdirmələrini göstərib.
Qeyd edək ki, bundan əvvəl Nigerdə hərbi müdaxilə üçün hazırlıqlar başlayıb. Təşəbbüskarlardan biri, Amsar Bako bildirib ki, nə vaxtsa müdaxiləyə hazır olmaq lazımdır.
Havar Şəfiyeva
Son şərhlər