Bakı Şəhər Dövlət Yol Polisi İdarəsi yeni tədris ilinin başlanması ilə əlaqədar hərəkət iştirakçılarına müraciət edib.
Elchi.az müraciətin mətnini təqdim edir:
“Baş Dövlət Yol Polisi İdarəsi yeni tədris ilinin başlanması münasibətilə bütün şagirdləri, tələbələri, müəllimləri və valideynləri təbrik edir, hər kəsə uğurlar arzulayır.
Tədris prosesinin başlanması ilə paytaxtın küçə və prospektlərində nəqliyyatın hərəkəti daha da intensivləşir. Bu, ilk növbədə məktəb və bağça ətrafında, eləcə də ali təhsil müəssisələrinin yerləşdiyi ərazilərdə özünü göstərir. Belə şəraitdə həm sürücülərin, həm valideynlərin, həm də şagird və tələbələrin qaydalara ciddi əməl etməsi xüsusi əhəmiyyət daşıyır.
Sürücülərdən xahiş olunur ki, zəruri olmadıqda şəxsi avtomobildən istifadə etməsinlər, ictimai nəqliyyata üstünlük versinlər, dayanma-durma qaydalarını pozmasınlar və təhsil müəssisələrinin yaxınlığında sürəti azaldaraq daha diqqətli olsunlar.
Valideynlər uşaqları məktəbə gətirərkən kortej şəklində hərəkət etməməli, imkan daxilində eyni nəqliyyat vasitəsindən bir neçə şagirdin daşınması üçün istifadə etməli, avtomobilləri yalnız icazə verilən yerlərdə saxlamalıdırlar. Uşaqların avtomobildən düşməsi zamanı onların mütləq səkiyə yaxın qapıdan çıxmasına nəzarət edilməlidir.
Piyadalar, o cümlədən şagird və tələbələr, yalnız nişanlanmış piyada keçidlərindən istifadə etməli, qəfil yola çıxmamalı, hərəkət zamanı isə diqqətlərini yayındıran amillərdən uzaq durmalıdırlar.
Baş Dövlət Yol Polisi İdarəsi yeni tədris prosesinin başlanması münasibətilə bütün təhsil ictimaiyyətini bir daha təbrik edir və xatırladır ki, yollarda təhlükəsizliyin təmin olunması hər bir hərəkət iştirakçısının məsuliyyətli davranışından asılıdır”.
Bu mövzuda belə yeni məlumatların olması çox yaxşıdır. Tədris ilinin başlaması ilə bağlı DYP-nin diqqəti yenə də yol hərəkətinin təhlükəsizliyinə yönəldib. Bu cür maarifləndirmə işləri çox vacibdir, hər kəsə faydalı olacağına inanıram.
Əla məqalə! Yeni tədris ilinin başlaması ilə bağlı yol polisin verdiyi məlumat çox vacibdir. Bu xəbərdarlıq bütün sürücülər və valideynlər üçün faydalı olacaq. Ümid edək ki, hamı qaydalara əməl edərək təhlükəsiz bir il keçirər.
Bu məqalədə yeni tədris ilinin başlanması ilə bağlı verilən məlumatlar çox əhəmiyyətlidir. DYP-nin sürücülərə və valideynlərə etdiyi müraciət təqdirəlayiqdir. Ümid edək ki, hər kəs bu qaydalara riayət edərək yollarda təhlükəsizliyi təmin edəcək. Bu məlumatların yayılmasında rolu olanlara təşəkkür edirəm.