Ukrayna Minsk razılaşmasını dəqiq yerinə yetirir. Bütün dünya bilir ki, razılaşmaya kim əməl etmir.
ANS PRESS-in məlumatına görə, belə bir bəyanatı Ukrayna prezidenti Pyotr Poroşenko Rusiyanın ittihamlarına cavab olaraq verib.
Prezident bildirib ki, Ukrayna tərəfi Donbasda sülhün bərpa edilməsi üçün mümkün oan hər şeyi edir.
“İndi müharibə gedir. Amma sülh olacağına böyük ümid var. Və mən, Ukrayna prezidenti olaraq, Ukrayna dövləti olaraq sülhün bərqərar olması üçün mümkün olan hər şeyi edirik. Ancaq silah, tank, qrad və raketlərlə Ukraynanın ərazisini qaytarmaq mümkün deyil”, – deyə Poroşenko bildirib.
Preizdent bəyan edib ki, Ukrayna müdafiəyə hazırlaşır: “Biz romantik deyilik. Allah göstərməsin Ukraynaya fəal şəkildə hücum olunarsa, bütün gücümüzlə qarşılaşacaqlar və düşmənin ağzından vuracağıq”.
Qeyd edək ki, Rusiya tərəfi Ukraynanı Donbasa ağır texnika yeridərək Minsk razılaşmasını pozmaqda ittiham edib.
Son şərhlər