ABŞ-dakı Vera C. Rubin Rəsədxanası ilk müşahidələrini paylaşıb. Nəhəng teleskop cəmi 10 saat ərzində 10 milyon qalaktika və 2000-dən çox yeni asteroidi ələ keçirdi.
Elchi.az xəbər verir ki, ABŞ Milli Elm Fondu (NSF) və Enerji Departamentinin birgə səyləri ilə inşa edilən Vera C. Rubin Rəsədxanası kosmosun dərinliklərinin ilk fotoşəkillərini yayımlayıb. Elm dünyasının “kainatın sirlərini açmağa namizəd” olaraq xarakterizə etdiyi rəsədxana, 3200 meqapiksellik kamerası ilə dünyanın ən böyük rəqəmsal gözünü kosmosa çevirib.
Göz qamaşdıran detallar: 5 giqapiksellik qalaktika mozaikası
İlk kadrlar arasında Süd Yolunun Trifid və Lagoon dumanlıqlarının nəhəng mozaika təsviri diqqəti çəkir. Cəmi 7,2 saat çəkiliş zamanı teleskop 678 fərqli kadr çəkdi və onları birləşdirərək təqribən 5 giqapiksellik təsirli görüntü yaratdı. Bu bölgələr ulduz əmələ gəlməsinin intensiv olduğu molekulyar buludlarla doludur.
Şayəstə Hüseynova
