Bu il dünyada kəşf edilən neft və qaz yataqlarının sayı son 75 ildə qeydə alınan ən aşağı göstərici ola bilər.
Norveçin “Rystad Energy” konsaltinq şirkətinin analitikləri belə hesab edir.
Onların fikrincə, dekabrın sonuna kimi əhəmiyyətli kəşflər olmasa, 2021-ci ildə dünyada neft-qaz yataqlarının kəşfi üzrə hesabat dövründə ən aşağı göstərici qeydə alına bilər.
Şirkətin icmalında bildirilir ki, noyabrın sonuna aşkar edilmiş ehtiyatların həcmi 4,7 mlrd. barel neft ekvivalenti təşkil edib və ilin sonuna qədər heç bir böyük yataq aşkar edilməsə, bu, 1946-cı ildən bəri ən pis göstərici ola bilər. Belə halda, bu göstəricinin 2020-ci ildə qeydə alınan göstərici ilə müqayisədə 12,5 mlrd. barel az olacağı qeyd edilir.
Son şərhlər