Noyabrın 14-də ABŞ və Avropa fond bazarlarında indekslərdə əsasən eniş müşahidə olunub.
Elchi.az xəbər verir ki, ABŞ bazarlarında Dow Jones Industrial Average indeksi 0,65% azalaraq 47 147,48 bəndə enib, S&P 500 indeksi 0,05% geriləyərək 6 734,11 bənd olub, ABŞ-ın digər göstəricilərindən NYSE Composite indeksi 0,30% azalaraq 21 470,26 bəndə düşüb.
NASDAQ Composite 0,13% artaraq 22 900,59 bənd səviyyəsinə, S&P/TSX Composite indeksi isə 0,24% artımla 30 326,46 bəndə yüksəlib.
Avropa fond bazarlarında əsas indekslərdə mənfi tendensiya nəzərə çarpıb. Euro Stoxx 50 indeksi 0,85% azalaraq 5 693,77 bəndə enib, Böyük Britaniyanın FTSE 100 indeksi 1,11% geriləyərək 9 698,37 bənd olub, Almaniyanın DAX indeksi 0,69% azalaraq 23 876,55 bəndə düşüb. Fransanın CAC 40 indeksi 0,76% enmə ilə 8 170,09 bənd səviyyəsinə geriləyib, İspaniyanın IBEX 35 indeksi isə günün ən böyük azalmalarından biri olan 1,40%-lik geriləmə ilə 16 345,90 bənd təşkil edib.
Analitiklər qeyd edirlər ki, ABŞ bazarlarında qeyri-sabitliyin əsas səbəbi investorların faiz dərəcələrinin azaldılması ilə bağlı gözləntilərinin zəifləməsi və texnologiya sektorundakı qiymətləndirmə risklərinin yenidən gündəmə gəlməsi olub. Avropa bazarlarında isə iqtisadi artım göstəricilərinin zəifləməsi, enerji qiymətlərinin dəyişkənliyi və Çin iqtisadiyyatına dair mənfi siqnallar satış təzyiqini artırıb. Bu fonda həm ABŞ, həm də Avropa bazarlarında risk iştahası zəifləyib və investorlar daha ehtiyatlı mövqe tutmağa başlayıblar.
