Kiyev Varşavaya ADR-dən miras qalmış təyyarələri alacaq.
Elchi.az xəbər verir ki, Polşa prezidenti Anjey Duda bildirib ki, Polşa hakimiyyəti yaxın günlərdə Ukraynaya ilk dörd MiQ-29 döyüş təyyarəsini təhvil verəcək.
“Yaxın bir neçə gün ərzində biz Ukraynaya dörd tam işlək təyyarə təhvil verəcəyik. Qalan təyyarələr hazırda istismardadır, hazırlanacaq və uğurla təhvil veriləcək”, – deyə siyasətçi Çexiya prezidenti Petr Pavellə görüşdən sonra bildirib.
Dudanın sözlərinə görə, Kiyev Polşanın Almaniya Demokratik Respublikasından aldığı döyüş təyyarələrini alacaq. İndiyədək bu təyyarələr Varşavada xidmətdədir, lakin bu, “onların istismarının son illəridir”, Polşa lideri əlavə edib.
Xatırladaq ki, bundan əvvəl Polşanın baş naziri Mateuş Moravetski Varşavanın yaxın 4-6 həftə ərzində MiQ-29 qırıcılarını Kiyevə köçürə biləcəyini etiraf etmişdi.
Şayəstə
