Misirdə inqilab edərək prezident Məhəmməd Mursi hökumətini iqtidardan uzaqlaşdıran Sisi tərəfdarları ilə bağlı gündəmi qarışdıran səs yazısı mətbuata sızıb.Avropa.info-nun ərəb mətbuatına istinadən verdiyi xəbərdə Mursinin Tora həbsxanasına aparılana qədər saxlandığı yerlə bağlı həmin dövrün yüksək rütbəli zabitlərinin sənədlərdə saxtakarlığa yol verdiyi məlum olub.
Misirin televiziya kanallarından biri həmin dövrdə Ali Hərbi Şura və Daxili İşlər nazirliyinin əməkdaşları arasında baş tutduğu iddia olunan telefon danışığına aid səs yazısını yayımlayıb.
Səs yazısına görə Ali Hərbi Şuranın üzvü general Məmduh Şahin Mursinin saxlanılması ilə vəzifələndirilən Hərbi Dəniz Qüvvələri komandanı Usəmə əl-Cundi ilə telefon danışığı zamanı ona Mursinin saxlanıldığı yerin onun məhkəmə prosesinə mənfi təsir göstərəcəyini söyləyir.
Şahin Misirin baş prokurorunun Daxili İşlər Nazirliyinə Mursinin saxlanıldığı yerin sənədlərdə həbsxana kimi göstərilməsi təlimatı verdiyini söyləyir. Bunun səbəbinin isə Şahin sonradan Mursinin hakim qarşısına çıxarılarkən həbsxanada yox başqa yerdə saxlanıldığını söyləyərək etiraz edə bilməməsi üçün olduğunu bildirir.
“Əgər Mursinin həbsxanada saxlanılmadığı ilə bağlı etirazı hakim tərəfindən təmin olunarsa Mursi sərbəst buraxıla bilər. Buna görə də sənədləri dəyişməyimiz istənilir”.
Son şərhlər