Dövlət Departamentinin mətbuat xidmətinin rəhbəri Metyu Millerin sözlərinə görə, Ukrayna Rusiyaya qarşı hərbi əməliyyatların necə aparılacağına özü qərar verməlidir.
Elchi.az Rusiya Xəbər Agentliyinə (Tass) istinadən xəbər verir ki, ABŞ hesab edir ki, Ukrayna Rusiyaya qarşı hərbi əməliyyatların necə aparılacağına özü qərar verməlidir. Bunu bazar ertəsi jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller ukraynalı diversantların Belqorod vilayətinə daxil olmasını şərh edərkən deyib.
“Ukraynalılar öz hərbi əməliyyatlarını necə həyata keçirmək istədiklərinə qərar verirlər”, – ABŞ-ın xarici siyasət sözçüsü bildirib.
Onun sözlərinə görə, Vaşinqton Kiyevi Rusiya ərazisində döyüş əməliyyatları üçün çağırmır. “Biz ukraynalılara açıq şəkildə bildirdik ki, biz Ukrayna sərhədlərindən kənarda hücumlara çağırmırıq və onlara imkan vermirik”, – Miller əlavə edib.
Bundan əvvəl Belqorod vilayətinin qubernatoru Vyaçeslav Qladkov bəyan etmişdi ki, Ukraynanın diversiya-kəşfiyyat qrupu Qrayvoron rayonu ərazisinə daxil olub. Rusiya prezidentinin mətbuat katibi Dmitri Peskov bildirib ki, ukraynalı diversantların Rusiya ərazisindən sıxışdırılıb çıxarılması və məhv edilməsi istiqamətində iş aparılır, yerində kifayət qədər qüvvə və vasitə var. Peskovun sözlərinə görə, Müdafiə Nazirliyi, Rusiya Federal Təhlükəsizlik Xidməti və Sərhəd xidməti Rusiya prezidenti Vladimir Putinə təxribatçıların Belqorod vilayətinə soxulmaq cəhdi barədə məlumat verib.
Nuranə Məmmədova
Son şərhlər