Jurnalist müsahibələrinin birində Hepatit C virusu daşıyıcısı olduğunu demişdi. Bu məlumatdan sonra Kənan Hacının həmkarları, dostları onun müalicəsi üçün həm sosial şəbəkələrdə, həm də mətbuatda kampaniya başlatdılar. Məqsəd jurnalistin dövlət hesabına qarantiyalı şəkildə müalicə olunması idi.
– Kənan bəy, hazırda səhhətiniz necədir?
– Bir həftədən çoxdur ki, özümü çox narahat hiss edirəm. Mütəmadi ağrılarım olur, ayaqlarım tutulur, halsızlıq yaranıb.
– Bu gün (7 avqust-red.) xəstəxanaya yerləşdiriləcəyiniz barədə xəbərlər yayıldı. Doğrudurmu?
– Dünən Səhiyyə Nazirliyinin Hepatit B və C viruslarına yoluxmuş şəxslərin müayinə və müalicəsinin təşkili üzrə xüsusi komissiyanın sədri Murad Məmmədov mənə zəng vurub dedi ki, sizə nə köməklik edə bilərik? Mən vəziyyətimi ona danışdım. Dedi ki, Hepatit C xəstələrinə Səhiyyə Nazirliyinin proqramına əsasən pulsuz müalicə təyin edilir. Sabah gəlin, mənimlə əlaqə saxlayın, sizə köməklik edərik. Bu gün səhər yoldaşımla ora getdik. Növbə vardı, bir xanım otaqda xəstələrin qeydiyyatını aparırdı. Yaxınlaşıb dedim ki, Murad müəllim özü bilir, mən gəlmişəm ki, qeydiyyata düşüm. O, mənə dedi ki, axı siz sənədlər təqdim etməlisiniz. Analizlərin cavablarını gətirməlisiniz. Dedim bir neçə yerdə analizlər vermişəm. Dedi yox, son 30 gün ərzində verilən analizlər lazımdır. Dedim mənim axı yenidən müayinədən keçməyə mənim imkanım yoxdur. Dedi eybi yox, qeydiyyata alarıq, amma müayinə kağızları təqdim olunmalıdır. Adımı dəftərə yazdı. Biz də qayıdıb gəldik evə. Amma Murad bəyə dəfələrlə zəng elədim ki, deyim mən gəlmişəm, burdayam, telefonuna zəng çatmadı.
– Bəs Murad Məmmədovdan başqa sizinlə əlaqə yaradıb öz köməyini təklif edən olubmu? Dövlət nə kimi dəstək göstərib?
– Yazar dostlar sağ olsunlar, hər gün maraqlanırlar, məni tanıyan, amma mənim tanımadığım dostlar zəng edib vəziyyətimlə maraqlanırlar. Amma dövlət tərəfindən dəstək olunacağı gözlənilir.Qənirə xanım da (millət vəkili Qənirə Paşayevanı nəzərdə tutur – red.) Səhiyyə Nazirliyi ilə danışacağını deyib. Hörmətli yazıçımız Kamal Abdulla da dəstək olacağını bildirib.
– Qənirə xanım bunu harada deyib? Şəxsən sizə deyib, yoxsa bu barədə açıqlama verib?
– Qənirə xanım xəstəliyimlə bağlı xəbər yayılandan sonra mənim inboxuma mesaj yazdı ki, bu barədə Səhiyyə Nazirliyini məlumatlandıracaq.
“Kimsədən narazılığım, tələbim yoxdu, dövlət kömək etsə də sağ olsun, etməsə də”
– Sizə yardım üçün hesab açılmışdı, yardım aksiyası başladıldılmışdı, bəz necə oldu?
– Həyat yoldaşım bank hesabı açıb. Amma konkret yardım aksiyası keçirilməsi haqqında məlumatım yoxdur. Düzdür, dostlar yardım kampaniyası başlamağı təklif etdilər. Sağ olsunlar. Amma hansı formada keçiriləcəyini bilmirəm.
– Kimlərdənsə narazılığınız varmı?
– Heç kimdən narazılığım yoxdur. Məsləhət olarsa, yardım edəcəklər. Etməsələr də sağ olsunlar.
– Səhhətinizin müsbətə doğu dəyişəcəyinə ümidiniz varmı?
– Ümid etməkdən başqa nəyə gücüm çatır ki?
Kənan bəyin həyat yoldaşı İlhamə xanımla əlaqə saxlayıb son durumlar haqqında onun da fikirləri
– Kənan bəyin səhhəti ictimailəşəndən sonra sizə nə kimi dəstək göstərildi – istər fiziki şəxslər, istərsə də dövlət qurumları tərəfindən?
– Sağ olsun Kənanın dostları. Hər gün jurnalist dostları, yazar dostları, oxucuları Kənana baş çəkirlər. Qənirə Paşayeva ilk gündən Səhiyyə Nazirliyi ilə bu barədə danışacağını deyib. Bir də Kamal Abdulla bu işi nəzarətdə saxlayacağını bildirib.
– Kənan bəyin durumu necədir? Şikayətiniz varmı ?
– Kənanın durumu o vaxt yaxşı olar ki, sağlamlığına qovuşar. Bu neçə ildə onu depresiyaya düşməkdən, ümidsiz olmaqdan qorumuşam. Həmişə mənə ümid verən ilahi bir qüvvə olub, inanmışam və onu da inandırmağa çalışmışam ki, bu xəstəlikdən xilas olacaq. Bəlkə də bu ümidlər olmasa idi Kənanın vəziyyəti lap pis ola bilərdi. Çünki Kənan həyatın hər cür acısını dadmış bir insandır. Bunu dilinə gətirməsə də, yazılarında həmişə əks etdirib. (Musavat.com)
Jurnalist müsahibələrinin birində Hepatit C virusu daşıyıcısı olduğunu demişdi. Bu məlumatdan sonra Kənan Hacının həmkarları, dostları onun müalicəsi üçün həm sosial şəbəkələrdə, həm də mətbuatda kampaniya başlatdılar. Məqsəd jurnalistin dövlət hesabına qarantiyalı şəkildə müalicə olunması idi.
– Kənan bəy, hazırda səhhətiniz necədir?
– Bir həftədən çoxdur ki, özümü çox narahat hiss edirəm. Mütəmadi ağrılarım olur, ayaqlarım tutulur, halsızlıq yaranıb.
– Bu gün (7 avqust-red.) xəstəxanaya yerləşdiriləcəyiniz barədə xəbərlər yayıldı. Doğrudurmu?
– Dünən Səhiyyə Nazirliyinin Hepatit B və C viruslarına yoluxmuş şəxslərin müayinə və müalicəsinin təşkili üzrə xüsusi komissiyanın sədri Murad Məmmədov mənə zəng vurub dedi ki, sizə nə köməklik edə bilərik? Mən vəziyyətimi ona danışdım. Dedi ki, Hepatit C xəstələrinə Səhiyyə Nazirliyinin proqramına əsasən pulsuz müalicə təyin edilir. Sabah gəlin, mənimlə əlaqə saxlayın, sizə köməklik edərik. Bu gün səhər yoldaşımla ora getdik. Növbə vardı, bir xanım otaqda xəstələrin qeydiyyatını aparırdı. Yaxınlaşıb dedim ki, Murad müəllim özü bilir, mən gəlmişəm ki, qeydiyyata düşüm. O, mənə dedi ki, axı siz sənədlər təqdim etməlisiniz. Analizlərin cavablarını gətirməlisiniz. Dedim bir neçə yerdə analizlər vermişəm. Dedi yox, son 30 gün ərzində verilən analizlər lazımdır. Dedim mənim axı yenidən müayinədən keçməyə mənim imkanım yoxdur. Dedi eybi yox, qeydiyyata alarıq, amma müayinə kağızları təqdim olunmalıdır. Adımı dəftərə yazdı. Biz də qayıdıb gəldik evə. Amma Murad bəyə dəfələrlə zəng elədim ki, deyim mən gəlmişəm, burdayam, telefonuna zəng çatmadı.
– Bəs Murad Məmmədovdan başqa sizinlə əlaqə yaradıb öz köməyini təklif edən olubmu? Dövlət nə kimi dəstək göstərib?
– Yazar dostlar sağ olsunlar, hər gün maraqlanırlar, məni tanıyan, amma mənim tanımadığım dostlar zəng edib vəziyyətimlə maraqlanırlar. Amma dövlət tərəfindən dəstək olunacağı gözlənilir.Qənirə xanım da (millət vəkili Qənirə Paşayevanı nəzərdə tutur – red.) Səhiyyə Nazirliyi ilə danışacağını deyib. Hörmətli yazıçımız Kamal Abdulla da dəstək olacağını bildirib.
– Qənirə xanım bunu harada deyib? Şəxsən sizə deyib, yoxsa bu barədə açıqlama verib?
– Qənirə xanım xəstəliyimlə bağlı xəbər yayılandan sonra mənim inboxuma mesaj yazdı ki, bu barədə Səhiyyə Nazirliyini məlumatlandıracaq.
“Kimsədən narazılığım, tələbim yoxdu, dövlət kömək etsə də sağ olsun, etməsə də”
– Sizə yardım üçün hesab açılmışdı, yardım aksiyası başladıldılmışdı, bəz necə oldu?
– Həyat yoldaşım bank hesabı açıb. Amma konkret yardım aksiyası keçirilməsi haqqında məlumatım yoxdur. Düzdür, dostlar yardım kampaniyası başlamağı təklif etdilər. Sağ olsunlar. Amma hansı formada keçiriləcəyini bilmirəm.
– Kimlərdənsə narazılığınız varmı?
– Heç kimdən narazılığım yoxdur. Məsləhət olarsa, yardım edəcəklər. Etməsələr də sağ olsunlar.
– Səhhətinizin müsbətə doğu dəyişəcəyinə ümidiniz varmı?
– Ümid etməkdən başqa nəyə gücüm çatır ki?
Kənan bəyin həyat yoldaşı İlhamə xanımla əlaqə saxlayıb son durumlar haqqında onun da fikirləri
– Kənan bəyin səhhəti ictimailəşəndən sonra sizə nə kimi dəstək göstərildi – istər fiziki şəxslər, istərsə də dövlət qurumları tərəfindən?
– Sağ olsun Kənanın dostları. Hər gün jurnalist dostları, yazar dostları, oxucuları Kənana baş çəkirlər. Qənirə Paşayeva ilk gündən Səhiyyə Nazirliyi ilə bu barədə danışacağını deyib. Bir də Kamal Abdulla bu işi nəzarətdə saxlayacağını bildirib.
– Kənan bəyin durumu necədir? Şikayətiniz varmı ?
– Kənanın durumu o vaxt yaxşı olar ki, sağlamlığına qovuşar. Bu neçə ildə onu depresiyaya düşməkdən, ümidsiz olmaqdan qorumuşam. Həmişə mənə ümid verən ilahi bir qüvvə olub, inanmışam və onu da inandırmağa çalışmışam ki, bu xəstəlikdən xilas olacaq. Bəlkə də bu ümidlər olmasa idi Kənanın vəziyyəti lap pis ola bilərdi. Çünki Kənan həyatın hər cür acısını dadmış bir insandır. Bunu dilinə gətirməsə də, yazılarında həmişə əks etdirib. (Musavat.com)