ABŞ-ın keçmiş prezidenti və Respublikaçılar Partiyasının namizədi Donald Tramp Şimali Dakota ştatında keçirilən ilkin seçkilərdə qalib gəlib.
Elchi.az CBS News-a istinadən xəbər verir ki, noyabrın 5-də keçiriləcək prezident seçkiləri üçün kampaniyalar davam edərkən, dünən Şimali Dakotada Respublikaçılar Partiyasının ilkin seçkiləri keçirilib.
Şimali Dakota ştatında keçirilən seçkilərdə Tramp partiya daxilində yeganə ciddi rəqibi Nikki Heyliyə qalib gəlib və ştatda 29 nümayəndənin səsini qazanıb.
Floridalı iş adamı David Stuckenberg və Texas biznesmeni Rayan Binklinin adları da ştatda keçirilən ilkin seçkilərdə səsvermə bülleteninə daxil edilib.
Namizəd olmaq üçün cəmi 1215 nümayəndəyə ehtiyacı olan Tramp bu qələbədən sonra ölkə üzrə 276 nümayəndənin səsini alıb.
Respublikaçılar və Demokratlar üçün prezidentlik yarışının ən kritik günlərindən biri hesab edilən və “Super çərşənbə axşamı” kimi xarakterizə edilən bu gün (5 mart) hər iki partiyanın praymerizləri 15 fərqli ştatda keçiriləcək.
Prezidentliyə namizədlərin vəziyyətinə “Super çərşənbə axşamı” praymerizindən sonra aydınlıq gələcəyi gözlənilir.
Şayəstə Hüseynova
Son şərhlər