Bu gün Azəri-Türk Qadınlar Birliyi və Azərbaycan Türkiyə Evinin başqanı Tənzilə Rüstəmxanlının doğum günüdür.
Aktual.Az xəbər verir ki, Tənzilə xanımın Azərbaycan-Türkiyə xalqları arasında mədəni əlaqələrin inkişafında müstəsna xidmətləri var. Belə ki, o, əsas fəaliyyəti iki qardaş xalqın ortaq mədəniyyətinin, türkçülüyün təbliğinə həsr edib.
Dünyanın hər yerində türk millətinin haqq və hüquqlarının tanınması üçün çalışan Tənzilə Rüstəmxanlı, həmçinin millətimizə qarşı ögey və ədalətsiz münasibət bəsləyənlərə də etirazını açıq şəkildə ifadə edib. O, xüsusən ermənilərin Azərbaycan xalqına və türklərə qarşı genosid siyasətini kəskin pisləmiş, erməni xislətinin hər zaman açılıb ortaya qoyulmasına çalışıb. Dəfələrlə ermənilərin Xocalıda törətdiyi qətliamla bağlı tədbirlər keçirmiş, soydaşlarımızın haqsız yerə dədə-baba yurdlarından didərgin düşməsinə etiraz səsini ucaldıb və onun bu haqlı etirazı türk millətinin səsinə çevrilib.
Xüsusi olaraq onu da qeyd edək ki, bir neçə gün bundan öncə qardaş ölkəmiz Türkiyədə Turan Yazgan Vəqfinin “Turan hocanı anma” tədbirlərinə qatılan Tənzilə xanıma Kayseridə sürpriz mükafat təqdim edilib. Belə ki, 24 noyabr Müəllimlər günü münasibəti ilə Kayseri “Tuana” hotelinin akt zalında keçirilən konfransda Tənzilə Rüstəmxanlıya “Türk millətinin hoca annesi” mükafatı verilib.
Mükafat Kayseri Mütəxəssis Karyerası və Təhsil Qurumunun İdarə Heyətinin başqanı Mehmet Muhtar tərəfindən təqdim olunub. Mükafatın təqdimetmə mərasimində müəllimləri peşə bayramı münasibətilə təbrik edən T.Rüstəmxanlı “Unudulmamalı olan insanlardan biri də müəllimlərdir. Onlar bizim mənəvi dünyamızı istiqamətləndirən insanlardır. Bu günü türk müəllimlərinə hədiyyə edən baş müəllim Mustafa Kamal Atatürkü hörmətlə anırıq. “Türk millətinin hoca annesi” olmaq başqa bir şərəfdir. Bu şərəfi mənə verən Mehmet Muhtara təşəkkür edir, şərəfli türk müəllimlərini təbrik edir, çətin yolda uğurlar arzulayıram”, – söyləyib.
Aktual.Az olaraq Tənzilə Rüstəmxanlını doğum günü münasibəti ilə təbrik edir, ona uğurlar diləyirik!
Sonda hörmətli Xalq şairimiz Sabir Rüstəmxanlının bir şeirini təqdim edirik:
(Aktual.az)
Son şərhlər