Suriya Rəyasət Heyəti ölkənin yaşadığı həssas şərtləri əsas gətirərək, mülki əhalinin müdafiəsi, ərazi bütövlüyünün təmin edilməsi və ictimai təhlükəsizliyin təmin edilməsi üçün dərhal və hərtərəfli atəşkəs elan edildiyini və təhlükəsizlik qüvvələrinin yenidən yerləşdirilməyə başladığını açıqlayıb.
Elchi.az xəbər verir ki, Suriya Rəyasət Heyətindən verilən yazılı açıqlamada, “Suriya xalqının qanının tökülməsinin qarşısını almaq üçün və dövlətin milli və humanitar məsuliyyətlərinin tələb etdiyi kimi, hərtərəfli atəşkəs qərarı alındı” ifadə edildi.
Bəyanatda bütün tərəflər dövlət qurumları və təhlükəsizlik qüvvələrinin atəşkəs rejimini məsuliyyətlə həyata keçirməsi, sabitliyin təmin edilməsi və qan tökülməsinin dayandırılması üçün lazımi məkan yaratmağa çağırıb.
Rəyasət Heyətinin bəyanatında ölkə daxilində bütün silahlı münaqişələrin və müharibə aktlarının dərhal dayandırılması, mülki şəxslərin müdafiəsinə zəmanət verilməsi və humanitar yardımın maneəsiz çatdırılmasının təmin edilməsi tələb olunur. Təhlükəsizlik qüvvələri yerləşdirməyə başlayıb.
Bəyanatda bildirilib ki, atəşkəs rejiminin həyata keçirilməsini təmin etmək, ictimai asayişi bərqərar etmək, mülki şəxslərin həyat və əmlakını qorumaq üçün təhlükəsizlik qüvvələri bəzi ərazilərə yerləşdirilməyə başlayıb. O, bu addımların “sakitliyi və sabitliyi gücləndirmək” məqsədi daşıdığını vurğulayıb.
Şayəstə Hüseynova
