Şotlandiya millisinin qapıçısı Kreyq Qordon futbolçu karyerasını başa vurub.
Elchi.az xəbər verir ki, 43 yaşlı qolkiper qərarını sosial şəbəkə hesabında yayımladığı video ilə açıqlayıb.
Qordon DÇ-2026 üçün iştirak ərizəsinə daxil edilən 1250-dən çox futbolçu arasında ən yaşlı oyunçu olub.
O, turnirdə meydana çıxmayıb və qrup mərhələsinin hər üç qarşılaşmasını ehtiyat oyunçular skamyasında keçirib. Şotlandiya millisinin əsas qapıçısı Anqus Qann olub.
Qeyd edək ki, Kreyq Qordon Şotlandiya millisində 2004-cü ildə debüt edib. O, yığmanın heyətində 84 oyun keçirib və bu göstəriciyə görə milli komandanın tarixində beşinci pillədə qərarlaşıb.
