Dünya futbolunun əfsanəvi adlarından biri olan Kriştiano Ronaldonun bu yaxınlarda 39 yaşı tamam oldu.
Elchi.az xəbər verir ki, gələn il futbolçu karyerasını başa vuracağı gözlənilən Ronaldonun ümumi sərvəti məlum olub.
Futbol əfsanəsinin adının zənginliyi heyrətamizdir…
“Mançester Yunayted”dən ayrılmaq qərarına gələn Ronaldo Səudiyyə Ərəbistanına getməyə üstünlük verib. Avropada karyerasını bitirmədiyi üçün böyük tənqidlərə məruz qalan Ronaldo rekordlarını Səudiyyə Ərəbistanında davam etdirib.
Futbol tarixinin bombardiri olan 39 yaşlı Ronaldo klub və milli karyerasında 1204 matçda 873 qol vurub. Karyerası boyunca 35 dəfə kuboku qazanan Ronaldo 5 dəfə Çempionlar Liqasını qazanaraq bu siyahıya başçılıq edir.
Futbol dünyasının ən nüfuzlu mükafatı olan “Qızıl top”u ümumilikdə 5 dəfə qazanan Kriştiano Ronaldo hər il mükafat kolleksiyasını təkmilləşdirməyə davam edirdi.
Futbolla yanaşı reklamlardan da milyonlar qazanan Ronaldonun ümumi sərvəti bəlli olub. Səudiyyə Ərəbistanının “Əl-Nassr” komandasından illik 190 milyon avro maaş alan Ronaldonun ümumi sərvəti ilə bağlı iddia insanı şoka salıb.
Fransa mətbuatında yer alan xəbərə görə, geyim və ətir markalarının yanında fitnes mərkəzləri və otellərin sahibi olan Kriştiano Ronaldonun ümumi sərvətinin 850 milyon avro olduğu təxmin edilir.
Nuranə Məmmədova