Çində ay təqviminə görə yeni ilin qeyd olunduğu Bahar Bayramı zamanı ölkənin əksər hissəsini təsir edən soyuq hava dalğası səbəbindən rekord aşağı temperatur ölçüldü.
Elchi.az xəbər verir ki, bu barədə Çin Milli Meteorologiya Mərkəzinin (NMC) verdiyi açıqlamaya görə, yanvarın 22-də, ay yeni ilinin ilk günü, şimal-şərqdə yerləşən Heylongciang əyalətinin Mohi şəhərində havanın temperaturu 53 dərəcə şaxta təşkil edib, ölkədə “görülən ən aşağı dəyər” idi.
Çində əvvəlki rekord aşağı temperatur 1969-cu ildə 52,3 dərəcə şaxta olub.
Bu səhər paytaxt Pekində 22,4 dərəcə şaxta və şimal Lioninq əyalətinin mərkəzi olan Xinyanqda 23,8 dərəcə şaxta hər iki şəhərdə müşahidə edilən ən aşağı qiymətlər olaraq qeydə alınıb.
Temperatur dəyərləri mövsüm normalarından 8-12 dərəcə aşağıdır
Digər tərəfdən, tətil dövründə qış aylarının ən aşağı temperaturları 20-yə yaxın böyük şəhər və əyalət mərkəzində, xüsusən də Quanqcou, Şanxay və Tiencində aşkar edilib.
Qış aylarının normal olaraq isti keçdiyi Çinin şərq və cənub-şərq bölgələrində temperatur göstəriciləri mövsüm normalarından 8-12 dərəcə aşağıdır.
Şimaldakı Cilin əyalətində bu həftə havanın temperaturu 16 dərəcə azalıb, 2022-ci ilin yanvarında temperaturun 3 ilə 14 dərəcə arasında ölçüldüyü qərbdəki Yunnan əyalətində bu gün temperatur 0 dərəcəyə düşüb.
Soyuq hava dalğasının bu gündən etibarən ölkəni tərk edəcəyi bildirilərkən, daxili və şərq bölgələrinin daha bir həftə soyuq havanın təsirini hiss edəcəyi təxmin edilir.
Yanvarın 21-də başlayan rəsmi bayram Çində Ay Yeni ilini qeyd edən Bahar Festivalı səbəbindən yanvarın 27-dək davam edəcək.
Şayəstə
Son şərhlər