Çinin Quanqdonq əyalətində günlərlə yağan güclü yağışdan sonra dağlıq avtomobil yolunun bir hissəsinin çökməsi nəticəsində 24 nəfər ölüb.
Elchi.az bu barədə “BBC News”a istinadən xəbər verir.
Səlahiyyətlilər hələ ki, hadisənin səbəbini açıqlamayıblar.
Dövlət mediasında yayılan görüntülərdə magistral yolun altındakı meşəlik dağ yamacında böyük yara izi var.
Dövlət mediası xəbər verir ki, xəstəxanada olan 30 nəfər “hazırda risk altında deyil”. Əyalət hökuməti hadisə yerinə 500 təcili yardım işçisi göndərib.
Dövlət mediası əvvəlcə 19 nəfərin öldüyünü bildirsə də, daha sonra yerli hakimiyyət orqanları 24 nəfərin öldüyünü, yaralıların sayının isə hələ də 30 nəfər olduğunu bildirib.
Dağılmadan qısa müddət sonra çəkildiyi görünən görüntülərdə magistral yolun altından alov və qara tüstü qalxdığı görünür.
Səlahiyyətlilər bildiriblər ki, ümumilikdə 20 avtomobil yolun çökmüş hissəsinə düşüb.
Dövlət mediası tərəfindən yayılan başqa bir videoda qismən palçığa bürünmüş yanmış avtomobillərin tüstülənən qalaqları əks olunub.
Nuranə Məmmədova
Son şərhlər