Çili və Peru sərhədində həftələrdir çətin şərtlər altında qapalı qalan 115 venesuelalı mühacir təyyarə ilə ölkələrinə qaytarılıb.
Çilinin paytaxtı Santyaqodan təxminən 2 min kilometr şimalda yerləşən Arika şəhərindən havaya qalxan və venesuelalı mühacirləri daşıyan təyyarə Karakasın Simon Bolivar hava limanına enib.
Elchi.az xəbər verir ki,Venesuela və Çili hakimiyyət orqanlarının diplomatik səyləri nəticəsində 115 venesuelalı mühacirin problemsiz ölkəyə gətirildiyi bildirilib.
Çili prezidenti Qabriel Boric venesuelalı mühacirlərin ölkələrinə qayıtmasının sevindirici olduğunu və bunun diplomatik qələbə demək olduğunu bildirib.
Venesuelanın xarici işlər naziri İvan Gil vətənə dönüş çərçivəsində indiyədək 30 min Venesuela vətəndaşının ölkəyə qaytarıldığını bildirib.
Çili və Peru sərhədində həftələrdir çox çətin günlər yaşadıqlarını xatırladan Juri Gil ölkəsinə qayıtdığı üçün son dərəcə xoşbəxt olduğunu qeyd edib.
32 yaşlı David Molina da ölkəyə yenidən ayaq basdığı üçün sevincini dilə gətirib: “Çili qanunları bizim üçün ağırlaşıb və biz geri qayıtmalı olduq”. ifadəsini işlətdi.
Hava limanında yemək verilən venesuelalılar daha sonra avtobuslarla qaldıqları yerlərə aparılıb.
Çili dövlətinin immiqrasiya nəzarətini gücləndirməsindən sonra yüzlərlə mühacir, xüsusilə venesuelalılar Çilini tərk etmək yollarını axtarmağa başladılar.
Perunun baş naziri Alberto Otarola mayın 4-də ölkəyə qeyri-qanuni yollarla daxil olan qeyri-qanuni mühacirlərin deportasiya ediləcəyini açıqlayıb.
Nuranə Məmmədova