İyunun 10-u şənbə günü İstanbulun ev sahibliyi ilə Atatürk Olimpiya Stadionunda oynanılacaq UEFA Çempionlar Liqasının final matçının biletləri satışa çıxarılıb.
Elchi.az xəbər verir ki,Türkiyə Futbol Federasiyasından edilən açıqlamaya görə, yalnız UEFA-nın rəsmi bilet portalı “UEFA.com/tickets” saytından əldə edilə bilən biletlər UEFA tərəfindən iki mərhələdə həyata keçiriləcək: sorğuların toplanması və təsdiqlənməsi.
Aprelin 28-də kitabların hazırlanması dövrü başa çatdıqdan sonra keçiriləcək püşkatma mərasimindən sonra UEFA bilet müraciətləri müsbət olan azarkeşləri elektron poçt vasitəsilə xəbərdar edəcək. Futbolsevərlər onlara ayrılmış kateqoriya üzrə maksimum 2 bilet əldə edə biləcəklər.
Biletlər UEFA-nın rəsmi bilet satışı proqramı olan “UEFA Mobile Tickets” vasitəsilə oyundan bir neçə gün əvvəl azarkeşlərə çatdırılacaq. Bilet sahibləri həm Android, həm də iOS platformalarında mövcud olan bu proqramı mobil cihazlarına endirməklə biletlərini saxlaya və idarə edə biləcəklər.
2023-cü il UEFA Çempionlar Liqasının final matçının biletlərinin qiyməti 1-ci kateqoriya üzrə 690 avro, 2-ci kateqoriya üzrə 490 avro, 3-cü kateqoriya üzrə 180 avro, 4-cü kateqoriya üzrə 70 avro müəyyən edilib. Əlil biletləri 70 avroya əldə etmək mümkün olacaq və onlara pulsuz müşayiət bileti də daxildir.
Nuranə Məmmədova
Son şərhlər