QOÇ – Gücünüz çatmayan işlərə girişməyin. Çünki bu təqvimdə məsuliyyət hissiniz azalacaq və bu da nəticədə zərərinizə ola bilər. Odur
ki, daha çox mənəvi rahatlığa üstünlük verin.
ki, daha çox mənəvi rahatlığa üstünlük verin.BUĞA – Çoxsaylı və maraqlı insanlarla bir yerdə olmaq sizə rahatlıq gətirəcək. Yaxşı olar ki, bunu nahardan sonraya saxlayasınız. O vaxta qədərsə ənənəvi fəaliyyətlə məşğul olun.
ƏKİZLƏR – İkili fikirlərdən, faktsız ittihamlardan uzaq olsanız, gün ərzində hansısa xoşagəlməzliklə rastlaşmayacaqsınız. Həmkarlarınızla, köhnə dostlarınızla təbii olmağı bacarın.
XƏRÇƏNG – Kosmik fonun bürcünüzdəki neqativliyi müəyyən məqamlarda uğursuzluq yaradacaq. Ələlxüsus da günün ilk yarısında daha tədbirli olmalısınız. Məsuliyyətsiz adamlardan qaçın.
ŞİR – Qəbir ziyarəti, yaşlı qohumlara baş çəkmək gün ərzində savablarınızı artıra bilər. İş-gücdən, məişət problemlərindən uzaq olub bir az da genetik irsinizə xidmət edin.
QIZ – Astroloji göstəricilər ixtiyarınızda olan bu təqvimin müəyyən çətinliklərindən xəbər verir. Amma daxili potensialınızdan yararlanıb qarşıda duran maneələri dəf edə bilərsiniz.
TƏRƏZİ – Yaxşı olar ki, özünüzü çox yormayasınız. Əks təqdirdə mənəvi rahatlıqdan uzaq olacaqsınız. Nahardan sonra ünsiyyətdə olduğunuz adamlar tərəfindən sevindirilmə ehtimalınız var.
ƏQRƏB – İş prinsipində nəzərəçarpacaq irəliləyişlər əldə etmək üçün olduqca səmərəli vaxtdır. Hətta aktivliyinizi artırmaqla şəxsi büdcənizdə müsbət dəyişiklik də edə bilərsiniz. Uzaq yola çıxmayın.
OXATAN – Qarşınızda əsl biznes günü durub. Amma uğurlarınız daha çox əvvəlcədən planlaşdırılmış işlərdə özünü göstərəcək. Belə məqamlarda istənilən mübahisə başınızı ağrıda bilər.
OĞLAQ – İslami dəyərlərə, dini ənənələrə əməl etməyə çalışın. Heç olmasa həftədə bir dəfə savab işlər görmək yaxşı olardı. Ürəyinizə yaxın hər kəsə mərhəmət göstərin. Sülhpərvər olun.
SUTÖKƏN – Günün ümumi mənzərəsi müsbət çalarlıdır. Bu səbəbdən də ətrafınıza gözəllik bəxş edin. İnsan ruhuna zərər gətirən amillərdən uzaq olun. Dilinizi duasız qoymayın.
BALIQLAR – Əgər ovqatınızın yüksək, işlərinizin avand olmasını istəyirsinizsə, ətrafınızda olanlarla xoş davranın. Dediyiniz hər bir sözün məsuliyyətini dərk edin. Əsəblərinizə diqqət yetirin.
Son şərhlər