Qərblə qarşıdurma və davam edən “xüsusi hərbi əməliyyat” kontekstində Rusiya iqtisadiyyatı daha böyük sınaqlara hazır olmalıdır.
Elchi.az xəbər verir ki, bunu Rusiya Dövlət Dumasının vitse-spikeri Aleksandr Babakov deyib.
“Davosda keçirilən son iqtisadi forum göstərdi ki, Qərb təlaş içindədir. Bu gün bütün dünyanı iqtisadiyyatın parçalanması, ekoloji, ərzaq böhranı, ticarət müharibələri ilə qorxudur”, – Babakov bildirib.
Onun sözlərinə görə, Rusiya öz maliyyə suverenliyini qorumaq üçün daha çox iş görməlidir:
“Xarici perimetrdə bu çətindir və biz dominant olduğumuzu iddia etmirik, lakin ölkə daxilində rublun investisiya və ehtiyat valyuta olduğunu söyləməliyik. İqtisadi perspektivləri genişləndirmək üçün dost dövlətlərə, xüsusən Afrika və Latın Amerikasına yardım göndərməliyik. Bu dövlətlərin iqtisadiyyatını inkişaf etdirməklə biz onları özümüzə yönəldərik. Bu cür yardımlar sayəsində Rusiyanın məhsullarını istehlak edə biləcəyi sənaye sahələrini dirçəltmək mümkündür. Və dost olmayan dövlətlərdən də ərzaq idxalına son qoyulmalıdır. Qələbəmizin açarı suveren iqtisadiyyatdır”.
Son şərhlər