Finlandiyanın Rusiya ilə sərhəddəki bəzi keçid məntəqələrini bağlamaq qərarı qismən uğurlu olub. Elchi.az Finlandiyanın “Helsingin Sanomat” qəzetinə istinadən xəbər verir ki, məhdudiyyətlərin nəticələrini ölkənin Daxili İşlər Nazirliyinin rəhbəri Mari Rantanen açıqlayıb və əlavə edib ki, hakimiyyət yeni tədbirlər hazırlayır.
Rusiya-Finlandiya sərhədindən Sankt-Peterburqa ən yaxın keçid məntəqələri 2024-cü il noyabrın 18-dən fevralın 18-dək bağlı olub, şimalda dörd məntəqə açıq qalıb, Vartius və Sala keçid məntəqələri sığınacaq üçün müraciətləri qəbul edir. Finlandiya hakimiyyətinin fikrincə, bu cür tədbirlər Rusiya Federasiyası ilə sərhəddə miqrantlarla bağlı vəziyyətin pisləşməsi səbəbindən zəruri idi.
“Qeyd edildiyi kimi, fəaliyyət qapalı sərhəd keçidlərindən başqa yerlərə keçib, sərhədə gələnləri fəal şəkildə istiqamətləndirir”, – deyə Finlandiyanın daxili işlər naziri bildirib. Onun sözlərinə görə, sərhəddəki bütün keçid məntəqələrinin bağlanması ilə bağlı qərar hələ qəbul edilməyib, hər şey təkliflərə baxıldıqdan sonra açıqlanacaq.
Havar Şəfiyeva