İtaliya, Fransa və Almaniya Avropa İttifaqının Xarici İşlər Nazirləri Şurasında islamçı HƏMAS qruplaşmasının təcrid edilməsi planını razılaşdırıb və təqdim ediblər. Elchi.az RİA Novostiyə istinadən xəbər verir ki, bunu İtaliyanın xarici işlər naziri Antonio Tajani deyib.
“Bugünkü müzakirənin əsas məqsədi HƏMAS-ı təcrid etmək, onun zərər vurmasının qarşısını almaq, maliyyələşdirməni azaltmaq və Avropada və dünyada antisemitizmin yenidən alovlanmasının qarşısını almaqdan ibarət olan İtaliya-Fransa-Almaniya sənədi olub”, – deyə diplomat bildirib.
O, həmçinin əlavə edib ki, Aİ-nin Qəzza üzərində səlahiyyət kimi tanıdığı yeganə qüvvə Fələstin Milli Administrasiyasıdır. Tacaninin fikrincə, münaqişə BMT-nin mümkün vasitəçiliyi ilə “PNA” regionuna nəzarətin qaytarılması ilə bitməlidir.
Havar Şəfiyeva
