Böyük Britaniya və Fransanın xarici işlər nazirləri Devid Kemeron və Stefan Sejournet Ukrayna Silahlı Qüvvələrinin Rusiya Federasiyası ilə münaqişədə məğlubiyyətinin Qərb ölkələrinin təhlükəsizliyinə mənfi təsir göstərəcəyini bildiriblər.
Elchi.az xəbər verir ki, Xarici işlər nazirləri Kiyevin məğlubiyyətinin qarşısını almaq üçün öz çağırışlarını ‘‘The Daily Telegraph‘‘-da dərc ediblər.
“Birlikdə Fransa və Böyük Britaniya Avropa Siyasi Birliyinin sammitində Ukraynaya sarsılmaz dəstəyini bir daha təsdiq edəcəklər. Biz həmçinin bu yay Vaşinqtonda NATO sammitinin səmərəli keçirilməsinə zəmanət veririk. Hər ikimiz çox açıq deyirik: Ukrayna qalib gəlməlidir. Ukrayna uduzsa, biz hamımız uduzmuş olarıq”, – deyə nəşr yazır.
Qeyd edək ki, bundan əvvəl fransalı keçmiş diplomat Jerar Araud bildirib ki, Amerika Birləşmiş Ştatları maliyyə yardımını dayandırsa və Avropa dövlətləri hərbi sənaye kompleksinin potensialının artırılmasını təmin etməsə, Ukrayna Rusiya ilə münaqişədə məğlubiyyətlə üzləşəcək.
Havar Şəfiyeva
Son şərhlər