Ötən gün Topaz Premyer Liqasının 4-cü turu çərçivəsində “Neftçi” səfərdə “Rəvan”ı 3:1 hesabı ilə məğlub edib. Qarşılaşmadan sonra “ağ-qaralar”ın kapitanı Araz Abdullayev jurnalistlərin suallarını cavablandırıb:
– Oyuna yaxşı başladıq, məşqçimizin verdiyi taktikanı yerinə yetirməyə çalışdıq. Əsas məqsədimi ilk hissədə qol vurub hesabı açaq. Meydana 3 xal üçün çıxmışdıq. Fikrimcə, məşqçimizin taprşırıqlarını maksiumum dərəcədə olmasa da, yerinə yetirə bildik. Ayltonun qırmızı vərəqə almağı işimizi bir az çətinləşdirdi. Ancaq futbolçular yenə də həvəsdən düşmədi. Çalışıb, 3-cü qolu da vurduq. Komandamızı təbrik edirəm. “Rəvan”a da gələcəkdə uğurlar arzu edirəm.
– Azarkeşlərlə barışmısınız?
– Azarkeşlərlə yalnız göstərdiyimiz oyunumuzla barışa bilərik. Onlar da bizdən yalnız qələbə gözləyir.
– Qarşıdan “Xəzər Lənkəran”la matç gəlir. Rəqibə tətbiq olunmuş transfer qadağasının götürülməməsi yəqin sizin üçün də sevindirci xəbərdi…
– Bütün komandalara qarşı eyni cür hazırlaşırıq. “Neftçi” – “Xəzər Lənkəran” görüşü hamı üçün çox böyük maraq kəsb edir. Amma bütün oyunlara necə kökləniriksə, cənublularla qarşılaşmaya da elə hazırlaşacağıq. Bu görüşdə sərfəli nəticə qazanmağa çalışacağıq.
– İndiki vəziyyətdə “Neftçi”nin “Xəzər Lənkəran”ı üstələməyi nə dərəcədə realdı?
– Kimin güclü olmasından asılı olmayaraq, matça yaxşı hazırlaşmayan komanda istədiyini yerinə yetirməyə də bilər. Bu görüşə yaxşı hazırlaşıb, tam hazır olmağa çalışacağıq.
– Azarkeşlərin indidən sizdən qələbə tələb etməsi, üzərinizdə təzyiq yaradırmı?
– “Böyük oyun”larda həmişə azarkeşlər arasında prinsipiallıq həmişə olur. Tərəfdarların qələbə istəməsi normaldı.
– Sırf azarkeşlər üçün oynayacağınızı düşünmək olarmı?
– Həm komanda, həm də azarkeşlər üçün mübarizə aparacağıq. Matça bu fikirlə çıxcağıq.
– Sən komandanın təcrübəlilərindənsən. Amma heyətdə “Xəzər Lənkəran”la matçın çəkisini bilməyən gənc və legioner futbolçular var. Bir kapitan kimi onlara nə məsləhət vermisən?
– Gənc oyunçularımızın hamısı heyətə düməyə çalışır. Görürüsünüz ki, onlar da var gücləri ilə çalışırlar. Mən onlara qardaş kimi məsləhət görərdim ki, özlərini yaxşı tərəfdən göstərməyə çalışsınlar. Elə bu sözlər mənə də aiddi.
– Bu gün dubl edən Fəhmin Muradbəylinin çıxışını necə dəyərləndirirsən?
– Gənc olmasına baxmayaraq, çalışır. Bu gün də 2 qol vurdu, onu da təbrik edirəm.
– Komandanın liderliyini səndən alacağından qorxmursankı?
– Xeyr, biz belə şeyləri düşünmürük. Lap alsa belə mən buna sevinərəm.
Son şərhlər