Elchi.az xəbər verir ki, Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyi oktyabrın 7-dən İsrailin hücumları nəticəsində Qəzza zolağında 132 əməkdaşının həlak olduğunu açıqlayıb.
Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər İdarəsi (UNRWA) tərəfindən dekabrın 4-də verilən açıqlamada, Qəzzanın şimalında yerləşən Beyt Lahiya və Qəzzada məcburi köçkün fələstinlilərin sığındığı 2 məktəb birbaşa vurulub. Deyr əl-Balah və Nusayrat bölgələrində iki məktəbin də dolayısı ilə hədəfə alındığı bildirilib.
Açıqlamada, dekabrın 5-də UNRWA-nın daha 2 əməkdaşının öldürülməsi ilə 7 oktyabrdan bəri İsrailin hücumları altında Qəzza zolağında həyatını itirən UNRWA işçilərinin sayının 132-yə yüksəldiyi bildirilib.
Açıqlamada Qəzza zolağında əhalinin 85 faizini təşkil edən 1,9 milyon fələstinlinin didərgin düşdüyü, dekabrın 5-dən etibarən isə 1,2 milyon qaçqın fələstinlinin Qəzza daxilində UNRWA-nın 155 obyektinə sığındığı qeyd edilib.
Bəyanatda 1 milyon köçkünün Qəzza zolağının mərkəzi hissəsində, cənubda Xan Yunis və Rəfahda yerləşən 98 UNRWA obyektində qaldığı və bu 98 obyektdən 64-nün Xan Yunis və Rəfahda olduğu bildirilib.
Şayəstə Hüseynova
Son şərhlər