BMT-nin baş katibi Quterreş xəbərdarlıq edib ki, İsrail-İran münaqişəsi gərginləşərsə, idarəolunmaz bir alovlanmaya çevrilə bilər.
Elchi.az xəbər verir ki, Quterreş BMT Təhlükəsizlik Şurasının iclasında “Beynəlxalq sülh və təhlükəsizliyə təhdidlər” mövzusunda çıxış edib.
İsrailin İrana hücumları ilə başlayan münaqişənin dəhşətli bir qiymətlə sürətlə böyüdüyünü qeyd edən Quterreş, “Dünya artan narahatlıqla izləyir. Biz böhranlara doğru sürüklənmirik, onlara doğru qaçırıq”, – deyib.
Quterreş, “Bu qarşıdurmanın genişlənməsi heç kimin nəzarət edə bilməyəcəyi yanğına çevrilə bilər. Bunun olmasına imkan verməməliyik” deyən, sülhə şans verilməsi lazım olduğunu vurğulayıb.
Nüvə silahlarının yayılmasının qarşısının alınmasının hər kəsin təhlükəsizliyi üçün vacib olduğunu qeyd edən Quterreş Nüvə Silahlarının Yayılmaması Müqaviləsi bunun təməl daşı olduğunu və İranın da buna hörmət etməli olduğunu bildirib. İranla “etimad uçurumunu” aradan qaldırmağın yeganə yolunun diplomatiya və Beynəlxalq Atom Enerjisi Agentliyinin (MAQATE) nəzarəti olduğunu vurğulayan Quterreş tərəflər arasında danışıqlara qayıtmağa çağırıb.
Qeyd edək ki, Quterreş çıxışında İsrailin başlatdığı hücumlardan və ya İsrailin nüvə imkanlarından bəhs etməyib və şuranı birlik və təcili dialoq üçün hərəkətə keçməyə çağırıb. Quterreş, “Gəlin bu həlledici məqama təəssüflə baxmayaq. Bölgəni və dünyamızı uçurumdan geri çəkmək üçün məsuliyyətli və birlikdə hərəkət edək” ,- deyib.
Nuranə Məmmədova
