“Birlik kuboku” bərpa edilsin

“Birlik kuboku” turnirini bərpa olunmasıyla bağlı çağırış edilib.
Elchi.az xəbər verir ki, bu təklifi “Spartak”ın sabiq futbolçusu Yevgeni Buşmanov edib. O, Rusiyanın avrokuboklardan kənarda qaldığı vaxtda MDB ölkələri komandaları arasında keçirilən yarışın azarkeşlər üçün maraq doğuracağını bildirib:
“Bu turnir yüz faiz azarkeşlər üçün maraqlı olardı. Nə qədər ki, avrokuboklar yoxdur, “Birlik kuboku”nu qaytarmaq olar. Maraqlı ideyadır, sadəcə oturub analiz etmək lazımdır ki, hansı formatda alınar, kimlər iştirak edər. Əvvəllər turnir daha çox “Spartak” və Kiyev “Dinamo”sunun mübarizəsinə görə keçirilirdi. Sonra onlar ikinci heyətlərinin gətirməyə başladılar və yarışa maraq azaldı.
MDB klublarından “Zenit” və “Spartak”la kim mübarizə apara bilər? Hər halda bizim çempionatın səviyyəsi daha yüksəkdir. Lakin qış fasiləsində, yanvarda belə yarışları keçirmək olar. Təlim-məşq toplanışı vaxtı hamı yoxlama oyunlarında gücünü sınayır. Müxtəlif televiziya kanalları öz kubok yarışlarını təşkil edirlər. Formatı genişləndirib, bir status vermək olar. Əsas odur ki ,bütün klublar rəqabətə davamlı olsunlar”.
Qeyd edək ki, Azərbaycan klublarından “Neftçi”, “Xəzər Lənkəran” və “İnter” (keşmiş “Keşlə”, indiki “Şamaxı”) “Birlik Kuboku”nun qalibi olub. “Ağ-qaralar” bir dəfə finalda Moskva “Lokomotiv”inə məğlub olaraq gümüş medal qazanıb. “İnter” isə klub səviyyəsində keçirilən turnirin sonuncu qalibidir. Keçmiş “bankirlər” “Birlik Kubok”u tarixində bütün görüşlərində top buraxmadan qələbə qazanan yeganə komandadır.