Bir Nazirlik nə qədər kütləvi imtahan təşkil edə bilər ?

“Kənardan müşahidə edəndə Elm və Təhsil Nazirliyi nəhəng imtahan mərkəzi, kütləvi imtahanlar nazirliyi təəssüratını yaradır.
Bir Nazirlik nə qədər imtahan keçirər ?
Direktroların işə qəbulu, Bağçalara işə qəbul, Müəllimlərin işə qəbulu, Müəllimlərin setifikasiya imtahanı və s. bu tip kütləvi imtahanları keçirmək böyük resurslar tələb edir”.

Elchi.az xəbər verir ki, bu fikriləri Azərbaycan İnternet Forumunun prezidenti Osman Gündüz Osman Gündüz Feysbuk hesabında qeyd edib:

“ETN də özünün xeyli resurslarını, məktəblərin və ali təhsil müəssisələrinin resurslarını, Nazirliyin və təhsil müəssisələrinin canlı qüvvəsini, könüllüləri, texniki-texnoloji resursları bu imtahanların keçirilməsinə cəlb edir.
Dövlətin kütləvi imtahanların təşkili məqsədilə yaratdığı qurum – Dövlət İmtahan Mərkəzi isə bütün bu prosesləri sadəcə kənardan müşahidə edir.
Bu qədər ağır bir proses, nəhəg resursların cəlbi ilə kütləvi imtahanların təşkli ETN-i öz qarşısına qoyduğu vəzifələrdən uzaqlaşdırmırmı ?
Burada söhbət ETN tərəfindən təşkil olunan imtahanların keyfiyyətindən, qiymətləndirmənin mahiyyətindən getmir.
ETN bu məsələləri son illərdə xeyli təkmilləşdirə bilib, yəni, keyfiyyət və texniki-texnoloji baxımdan bildiyim qədər bu tip kütləvi proseslər əvvəlki illərə nisbətən daha təkmil qaydada keçirilir.
Amma görəsən bütün bunlar məntiqlidirmi və faydalıdırmı, ölkədə təhsil sahəsinə, təhsil siyasətinin müəyyən edilməsinə cavabdeh qurumun bu sahədə daha fundamental məsələlərə diqqət yetirməsi doğru olmazdımı ?
Burada həm də öz tabeliyindəkiləri qiymətləndirən Nazirliklə bağlı bir maraq toqquşması faktı qarşıya çıxır.
Görünən odur ki, ETN qarşısına qoyulan vəzifələr getdikcə çoxalır.
Son zamanlar qəbul edilən fərman və sərəncamlarda və digər normativ sənədlərdə, qəbul edilən strategiyalarda ETN qarşısında çox ciddi hədəflər müəyyən edilib. Qlobal dünyanın da müasir çağırışları təhsil sektorundan daha çevik və effektiv qərarlar tələb edir.
Bu baxımdan, fikrimcə, ETN bu qədər nəhəng resursları təhsilin inkişafına və keyfiyyətinin qaldırılmasına, təhsilin modernləşdirilməsinə yönəltsə daha məqsədəuyğun və məntiqli olardı.
Düşünürəm ki , bununla da təhsilin inkişafı baxımından daha böyük uğurlar və müsbət nəticələr əldə etmək olardı.
Ümid edirəm hökumət, ETN və DİM nəzərə alacaqlar”.

Yeganə