BBC-nin verdiyi məlumata görə, araşdırdığı peyk görüntüləri, ABŞ və İsrailin 28 fevralda başlatdığı hücumlardan sonra İranın qisas hücumlarında 20 ABŞ hərbi obyektinə zərər dəydiyini göstərir.
Elchi.az xəbər verir ki, BBC, ABŞ və İsrailə qarşı qisas olaraq Yaxın Şərqdəki 8 ölkədəki hədəflərə hücumlarının vurduğu ziyanı təhlil etmək üçün peyk görüntülərini araşdırıb.
Hesabata görə, mütəxəssislər tərəfindən peyk görüntülərinin təhlilinə əsasən, 28 fevralda ABŞ və İsrailin hücumları ilə başlayan müharibədə İranın qisas hücumlarında 20 ABŞ hərbi obyektinə zərər dəyib.
Hava hücumundan müdafiə sistemlərinə, yanacaq doldurma təyyarələrinə, radarlara, yanacaq saxlama sahələrinə, təyyarə anqarlarına və bu obyektlərdə yerləşdirilən əsgərlərin yaşayış yerlərinə dəyən ziyan milyonlarla dollar itkiyə səbəb olub. Görüntülər, qisas hücumlarının ABŞ obyektlərinə vurduğu ziyanın əvvəllər məlum olduğundan daha geniş olduğunu göstərsə də, bəzi analitiklər İranın hədəf aldığı ABŞ hərbi bazalarının sayının daha da çox ola biləcəyini söyləyirlər.
ABŞ Müdafiə Nazirliyinin Maliyyə Məsələləri üzrə köməkçi katibi Jules J. Hurst III mayın 12-də Konqresə verdiyi ifadədə ABŞ/İsrail-İran müharibəsinin bu günə qədərki dəyəri təxminən 29 milyard dollara çatdığını bildirib.
Şayəstə
