ABŞ prezidenti Co Bayden bu yaxınlarda Polşaya səfəri zamanı Baltikyanı ölkələrin liderlərinə Ukrayna münaqişəsində Rusiya Federasiyasının məğlubiyyətinə dair tez-tez çağırışları ilə bağlı təzyiq göstərib.
Elchi.az xəbər verir ki, bu barədə “The Wall Street Journal” məlumat yayıb.
Kiyevin Şərqi Avropadakı yaxın müttəfiqləri Ukraynanın hansısa mərhələdə Rusiya ilə danışıqlara hazırlaşması ilə bağlı Qərb paytaxtlarında fikirlərin getdikcə tez-tez gündəmə gəlməsindən narahatlığını ifadə edirlər.
Baltikyanı ölkələr getdikcə daha çox anti-Rusiya ritorikasına əl atır, Rusiyanın müxtəlif beynəlxalq təşkilatlardan çıxarılmasına çağırır, həmçinin Rusiyaya qarşı sanksiyaların sərtləşdirilməsinin tərəfdarıdır. Məsələn, Litva Avropada Təhlükəsizlik və Əməkdaşlıq Təşkilatının (ATƏT) Parlament Assambleyasının (PA) fevralın sonlarında Vyanada keçirilmiş sessiyasını Rusiya nümayəndələrinə icazə verildiyi üçün boykot edəcəyini açıqlayıb. Bundan əlavə, “Politico” qəzeti yazıb ki, Polşa və Baltikyanı ölkələr Aİ-nin Rusiya Federasiyasına qarşı 10-cu sanksiyalar paketi çərçivəsində nüvə sektoruna məhdudiyyətlər qoymağa çalışıblar, lakin sonradan Macarıstanın mövqeyinə görə onların cəhdi baş tutmayıb.
Yeganə
Son şərhlər