ABŞ prezidenti Co Bayden NATO-nun baş katibi Yens Stoltenberqi Ağ Evdə qəbul edib.
Elchi.az xəbər verir ki, ABŞ-da rəsmi səfərdə olan Stoltenberqlə Ağ Evdə görüşən Bayden NATO-dakı liderliyinə görə Stoltenberqə təşəkkür edib.
Bayden deyib ki, NATO müttəfiqləri əvvəlkindən daha çox həmrəydirlər və Rusiya prezidenti Vladimir Putin bu barədə yanılır.
Finlandiyanın NATO üzvü olduğunu xatırladan Bayden, İsveçin çox qısa müddətdə Alyansa üzv olacağına ümid etdiklərini bildirib.
ABŞ-ın NATO-nun bütün müttəfiqləri üçün kollektiv müdafiə öhdəliyi götürən 5-ci maddəsinə qəti şəkildə sadiq olduğunu vurğulayan Bayden, Yaponiya və Cənubi Koreya kimi Hind-Sakit Okean ölkələrinin Avropadakı müharibəyə qarşı mübarizəyə verdiyi töhfələrə toxunub.
Nuranə Məmmədova
Son şərhlər