ABŞ Konqresinin Nümayəndələr Palatası FTB-dən ABŞ prezidenti Co Baydenin rüşvət alması iddiası ilə bağlı məlumat tələb edib. Elchi.az RİA Novostiyə istinadən xəbər verir ki, dövlət başçısı vitse-prezident olarkən əcnəbi şəxslə korrupsiya sxemində iştirak etməkdə şübhəli bilinir.
Senator Çarlz Qrassli və konqresmen Ceyms Komer ABŞ-ın baş prokuroru Merrik Qarland və FTB direktoru Kristofer Reye müraciət edib.
Konqresin prokurorluq və FTB-nin təsirindən azad olaraq müstəqil araşdırmaya başlamaq niyyətində olduğu da bildirilir.
Siyasətçilərin fikrincə, onlarda məlumat var ki, vitse-prezidentlik illərində Bayden xarici vətəndaşla siyasi qərarlar üçün pul mübadiləsi ilə bağlı olan cinayət sxemində iştirak edib.
Qeyd edək ki, daha sonra Baydenin şəxsi evində altı yeni məxfi sənəd tapılıb. materiallar siyasətçinin ABŞ senatoru və vitse-prezidenti olduğu dövrlərə aiddir.
Havar Şəfiyeva
Son şərhlər