ABŞ prezidenti Co Bayden ABŞ-a qarşı kiberhücumlara görə fövqəladə vəziyyət və sanksiyaları, o cümlədən Rusiyaya qarşı bir il müddətinə uzadıb. Elchi.az xəbər verir ki, bu barədə Ağ Evin mətbuat xidməti məlumat yayıb.
“Kiberməkandan istifadə edən bu əhəmiyyətli zərərli fəaliyyətlər ABŞ-ın milli təhlükəsizliyi, xarici siyasəti və iqtisadiyyatı üçün qeyri-adi və fövqəladə təhlükə yaratmaqda davam edir”, – Amerika lideri bildirib. Bu tədbirlər 2023-cü il aprelin 1-dən sonra qüvvədə qalacaq.
Qeyd edək ki, bundan əvvəl xəbər verilmişdi ki, ABŞ Senatının Xarici Əlaqələr Komitəsi Moskvanın Ukraynaya qarşı kiberhücumlar törətdiyi iddiası ilə Rusiyaya qarşı sanksiyaların tətbiqi imkanını nəzərdən keçirir.
ABŞ-ın keçmiş prezidenti Barak Obamanın 13694 saylı fərmanı ilə 2015-ci il aprelin 1-də fövqəladə vəziyyət elan edilib. Qanuna görə, prezident səlahiyyət müddətinin bitməsinə 90 gün qalmış fövqəladə vəziyyətin uzadılması ilə bağlı Konqresə bildiriş göndərməzsə, o, avtomatik olaraq xitam verir.
Havar Şəfiyeva
Son şərhlər