ABŞ prezidenti Co Bayden Ağ Evdə Böyük Britaniyanın baş naziri Rişi Sunakı qəbul edib.
Elchi.az bu barədə Trthaber.com-a istinadən xəbər verib.
Bayden Sunakı qəbul etməkdən məmnun olduğunu bildirib və iki ölkə arasında tarixi əlaqələrə işarə edib. Rusiyaya qarşı mübarizədə Ukraynaya verdikləri maliyyə, hərbi və humanitar dəstəkdən danışan Bayden, ABŞ, Böyük Britaniya və Avstraliya arasında imzalanan AUKUS müqaviləsi ilə Hind okeanını daha təhlükəsiz etmək məqsədinə toxundu.
Bayden bildirib ki, NATO müttəfiqləri olaraq ümumi müdafiəni təmin etmək üçün birlikdə çalışırlar. İqtisadi əlaqələri gücləndirmək planlarını da müzakirə edəcəklərini ifadə edən Bayden bildirib ki, qlobal iqtisadiyyat Sənaye İnqilabından bu yana baş verən ən böyük transformasiyadan keçir. Bayden süni intellekt sahəsindəki inkişaflara da işarə edib.
“Əminəm ki, iki ölkə arasında dostluq dəyişməyəcək”
Sunak həmçinin Baydenə Ağ Evdə onu qəbul etdiyinə görə təşəkkür edib.
“Yarım əsrdən artıq müddətdə ilk dəfədir ki, Avropa qitəsində müharibə ilə üz-üzəyik”,-deyə Sunak bildirib. O, əvvəlki kimi ABŞ və İngiltərənin müharibədə qalib gəlməsi üçün Ukraynaya verilən dəstəyə diqqət çəkib.
Sunak, Baydenin iqtisadiyyatlarının böyük bir transformasiyadan keçdiyi ilə bağlı fikirləri ilə razılaşdığını ifadə edərək, yeni texnologiyaların təqdim etdiyi imkanlara və çətinlikləri qeyd edib. O, iki ölkə arasında dostluq və tərəfdaşlığın möhkəmliyinin dəyişməyəcəyinə əmin olduğunu bildirib.
İqtisadiyyatı səfərinin əsas gündəm mövzularından olan Sunak İngiltərəyə investisiya cəlb etmək məqsədi ilə Vaşinqtonda ABŞ-ın aparıcı şirkətlərinin rəhbərləri ilə görüşüb.
Yeganə
Son şərhlər