“Azərbaycanda əmlak bazarında zəlzələdən öncə həyət evlərinə o qədər də maraq yox idi, alıcıların 60 faizi daha çox yeni tikili hündür mərtəbəli binalara üstünlük verirdilər. Ancaq zəlzələdən sonra bunun belə olmayacağı gün kimi hamımıza aydındır”. Bu sözləri Elchi.az saytına açıqlamasında daşınmaz əmlak üzrə ekspert Anar Nəsirov deyib.
Ekspert həmçinin bildirir :”Mən hesab edirəm ki, bu zəlzələnin olması yeni tikilmiş bina evlərinə marağı azaldacaq və insanlar daha çox həyət evlərinə və həyət evi tikmək üçün ayrılmış torpaq sahələrinə üstünlük verəcəklər.Belə nəticəyə gəlmək olar ki ,zəlzələ insanlarda hündür mərtəbəli binalarda yaşamağı daha riskli və qorxulu olacağını güman edəcəklər.Belə olan halda ev almaq üçün daha çox üstünlük həyət tipli evlərə veriləcək .Belə olacağı halda yeni bina evlərinə tələbat azalacaq və həyət evlərinə tələbat çoxalacaq.Həyət evlərinə tələbatın artması həmin evlərin qiymətlərinin kəskin artmasına səbəb olacaq. Mən demirəm yeni tikili hündür mərtəbəli evləri alan olmayacaq ,yox, onları da alan olacaq, sadəcə həmin evlərin alıcılarının əvvəlki illərə nisbətən daha az olacağını güman edirəm.Mən bir mütəxəssis kimi bunu deyə bilərəm ki, 2023- cü il Azərbaycanda ən çox satılan həyət tipli evlər və yaşayış evi tikmək üçün ayrılmış torpaq sahələri olacaq. Bu gedən proseslərdən belə nəticəyə gəlmək olar ki ,bu il həyət evlərində və həyət evlərinin tikintisi üçün ayrılmış torpaq sahələrində Bakı şəhəri və ətraf qəsəbələrdə 25 faizə qədər qiymətlərin artması gözlənilir.Yeni tikilmiş hündür mərtəbəli evlərdə isə 10 faizə qədər qiymətlərin azalması qeydə alınacaq.Ən çox qiymətin azalması isə tikilmə yaşı 6-dan çox olan binalarda qeydə alınacaq .Çünki bu binalar həm biraz zaman olub tikildiyi, həm də indi tikilən binalarda tikintinin normativlərinə daha çox riayət olunması və həmin binalarda daha çox nəzarətin olmasıdır. Daha çox qiymət artımı isə sənədi çıxarışı olan (kupçası olan ) həyət evlərində və fərdi yaşayış üçün nəzərdə tutulmuş torpaq sahələrində qeydə alınacaq.
Bu zəlzələdən sonra çox insan düşünür ki tikinti bazarında durğunluq olacaq və tikinti materiallarına tələbat azalacaq.Buna səbəb kimi də, daha hündür mərtəbəli yeni bina tikənlərin azalacağını desələr də, mən belə düşünmürəm.Çünki bu il insanlar daha çox öz evlərini həyət evləri kimi tikməyə meyl edəcəklər, bu da tikinti bazarında əvvəli illərlə müqayisədə heç də az olmayacaq .Çünki bir həyət evini tikmək daha çox xərc və material aparır nəinki hazır binada ev almaq, bu səbəbdən tikinti və təmir sektorunda da , bu il olduqca əlaməttar bir il olacağını düşünürəm. Nəzərə alsaq ki hər il mart aylarında daha çox həyət evlərinin satışı və tikintisi başlayırsa, onda demək olar ki gələn aydan tikinti bazarında və həyət evlərinin satışında xeyli irəliləyiş olacaq .Mən belə hesab edirəm ki başqa illərlə müqayisədə, bu il daha çox həyət evləri tikiləcək və tikinti sektorunda canlanma yaranacaq .Belə olan halda mişar daşı ,taxta ,sement armatur, dam örtüklərinin və digər tikinti materiallarının da, qiymətlərində az olsa qiymətlərinin artımını gözlənilir.Mən bir mütəxəssis kimi düşünürəm ki ,qardaş ölkədə baş vermiş fəlakətdən bizim ölkəmizdə də nəticə çıxaracaqlar və hündür mərtəbəli binalarda ciddi yoxlamaları daha da artıracaqlar ki ,gələcəkdə biz də eyni taleyi yaşamayaq”.
Havar Şəfiyeva
Son şərhlər