Son günlərdə Banqladeşdə güclü yağışların yaratdığı daşqınlar nəticəsində ən azı 51 nəfər ölüb, 1 milyondan çox insan zərər çəkib.
Elchi.az xəbər verir ki, paytaxt Dəkkə də daxil olmaqla, ölkənin böyük bir hissəsini bürüyən qəfil daşqınlar və torpaq sürüşmələri səbəbindən minlərlə insan evsiz qalıb.
Çoxsaylı çayları olan alçaq ərazili Banqladeşdə hər il musson mövsümündə güclü yağışlar və daşqınlar baş verir. Lakin mütəxəssislər iqlim dəyişikliyinin bu yağışları daha intensiv və tez-tez baş verməsinə səbəb olduğunu bildirirlər.
Bir həftədən çox əvvəl başlayan və son günlərdə güclənən yağışlardan sonra hakimiyyət orqanları daşqın və torpaq sürüşməsi barədə xəbərdarlıqlar verib, ailələr riskli ərazilərdən təxliyə edilib və məktəb imtahanları təxirə salınıb. Evlərini itirən minlərlə insan hazırda dövlət tərəfindən yaradılan sığınacaqlarda sağ qalmaq üçün mübarizə aparır. Rəsmi açıqlamalara görə, fəlakətdən 1 milyondan çox insan mənfi təsirlənib.
İndiyə qədər bildirilən 51 ölüm hadisəsindən 28-i Koks Bazarında qeydə alınıb. Bu bölgədə 1 milyondan çox Rohinca yaşayır və dünyanın ən böyük qaçqın məskunlaşma məntəqəsini təşkil edir.
Küçələr gölə çevrilib
BBC Bangla-nin məlumatına görə, paytaxt Dəkkə sakinləri küçələrin gölə çevrildiyini, bəzi yerlərdə suyun səviyyəsinin dizə qədər çatdığını və bunun nəqliyyatın hərəkətində ciddi problemlərə səbəb olduğunu bildiriblər.
Şayəstə
