Azinform.az-a Daxili İşlər Nazirliyinə yaxın mənbələrdən yüksək rütbəli polis rəislərinin xidməti yerlərinin dəyişdirilməsilə bağlı maraqlı məlumat daxil olub. Qeyd edək ki, bəzi saytlarda Bakı Şəhər Baş Polis İdarəsinin rəisi,general-mayor Rafiq Abbasovla Mütəşəkkil Cinayətkarlığa Qarşı Mübarizə İdarəsinin (MCQMİ) rəisi Mirqafar Seyidovun vəzifə yerlərinin dəyişdirilməsi haqda məlumat yayılıb.
Azinform.az-a daxil olan məlumatda isə bildirilir ki, «Bandotdel»in rəisi Mirqafar Seyidovun Bakı Şəhər Baş Polis İdarəsinə rəis təyin olunması dəqiqdir, ancaq «Bandotdel»in yeni rəisi Rafiq Abbasov olmayacaq. Mənbəmizin dediyinə görə, bu vəzifəyə hazırda Quba rayon Polis Şöbəsinin rəisi vəzifəsinidə işləyən Seyfulla Əzimov təyin edilib. Yəqin ki, yaxın saatlarda bu barədə rəsmi açıqlama da veriləcək.
Azinform.az
Son şərhlər