Ötən gün YAP Biləsuvar rayon təşkilatında cari ayın 23-də ölkəmizdə keçiriləcək Bələdiyyə seçkiləri ilə əlaqədar Yeni Azərbaycan Partiyası tərəfindən namizədliyi irəli 
sürülmüş qadın namizədlərlə və YAP Biləsuvar rayon təşkilatı Qadınlar Şurası idarə heyəti üzvləri ilə görüş keçirilib. Görüşdə Azərbaycan Dövlət İqtisad Unverstetinin YAP Səbail rayon təşkilatı Qadınlar Şurasının sədri, seçki qərargahının üzvü Təranə Kərimova da iştirak edib.
Mərasimi YAP Biləsuvar rayon təşkilatının sədri Kamil Mirzəyev açaraq, sayılı günlər qalmış bələdiyyə seçkilərinin rayonda aparılan təşviqat-təbliğat işlərindən ətraflı məlumat verərərk, xanımlarımızın seçkilərdə iştirakının ötən illərlə müqayisədə xeyli sayda artmasını müsbət hal kimi qiymətləndirdi.
Görüşdə iştirak edən Azərbaycan Dövlət İqtisad Unverstetinin distant qiyabi və əlavə təhsil mərkəzinin direktor müavini, Gender və İqtisadiyyat birliyinin sədri, YAP Səbayel rayon təşkilatı Qadınlar Şurasının sədri Təranə Kərimova çıxışını yüksək razılıqla ifadə edərək, Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin həyata keçirdiyi güclü iqtisadi və sosial siyasətin təzahürü kimi, bu gün Biləsuvar rayonunda da geniş sosial-iqtisadi inkişafın şahidi olduğundan məmnunluğunu bildirdi. Təranə xanım əhatəli nitqində tarixən Biləsuvar xanımlarının zəhmətkeş, sədaqətli, səxavətli, eləcə də siyasi və mədəni əxlaq sahibi olduqlarını vurğulayaraq, qeyd etdi ki, heç şübhəsiz ki, bu gün rayonda sözügedən tərəqqinin əldə olunmasında xanımalrın rolları əvəzsizdir. T.KƏRİMOVA daha sonra Yeni Azərbaycan Partiyası tərəfindən Bələdiyyələrə namizədliyi irəli sürülmüş qadınlara uğurlar arzulayaraq, onların hər birinin qalib olacaqlarına əminliyini bildirdi..
Görüşdə YAP Biləsuvar rayon təşkilatı Qadınlar Şurasının sədri Ləman YÜZBAŞOVA çıxış edərək biləsuvarlı ziyalı qadınların rayonun inkişafında fəal iştirak etdiklərini qeyd etdi. LƏMAN xanım qeyd etdi ki, 1400-dən artıq qadını öz ətrafında birləşdirən YAP Biləsuvar rayon təşkilatının Qadınlar Şurası bütün seçkilərdə fəal iştirak edərək partiyanın irəli sürdüyü ideyaları müvəffəqiyyətlə həyata keçirmişlər. Bu gün Yeni Azərbaycan Partiyası tərəfindən Bələdiyyə seçkkilərinə namizədliyi irəli sürülən qadınlarımız da əminəm ki, uğurlar qazanacaq və ölkə rəhbərliyinin ətrafında sıx birləşərək Biləsuvar rayonunun inkişafına öz töhfələrini verəcəklər.
YAP fəallarından Firəngiz Həbibova, Xalidə Ağayeva, Səyalə Şahbazova və digər xanımlar çıxışlarında qadınların siyasi fəallığının artırılması, onların seçki kampaniyasının bütün mərhələlərində mütəşəkkil iştirakının təmini üçün mühüm addımların atılmasına yaradılmış şəraitə görə minnətdarlıqlarını ifadə ediblər.
Xanımların maraqla davam edən görüşünü K. Mirzəyev yekun nitqi ilə bitirərək, YAP tərəfindən namizədliyi irəli sürülmüş qadınlara uğurlar diləmişdir.(“REGİON-PRESS”)
Son şərhlər