Oktyabrın 2-də həbs edilmiş Dərbənd rayon admisnstrasiyasının sədri, Dağıstanın Azərbaycan diasporunun lideri Qurban Qurbanov ev dustaqlığına buraxılıb.Bu barədə lent.az-a Dərbənddə yaşayan jurnalist Telman Tahirli xəbər verib. T.Tahirlinin sözlərinə görə, Q.Qurbanov barəsində seçilmiş həbs qəti-imkan tədbirini dəyişdirilərək onun barəsində 2 aylıq ev dustaqlığı tədbiri seçilib.
Xatırladaq ki, Rusiya Federasiyası İstintaq Komitəsinin Dağıstan Respublikası üzrə bölməsində bu il sentyabrın 16-da Q.Qurbanov barəsində Cinayət Məcəlləsinin 286.2-ci maddəsi (vəzifə səlahiyyətlərini aşma) ilə cinayət işi açılıb.
İstintaqın versiyasına görə, 2009-cu ildən 2013-cü ilə qədərki dövrdə Q.Qurbanov Rusiya Federasiyası və Dağıstanın Respublikasının torpaq qanunvericiliyini pozaraq, vəzifə səlahiyyətlərini aşmaqla Dərbənd rayonunda yerləşən dövlətin mülkiyyətində olan 56 hektardan çox ərazini müxtəlif şəxslərə verib.
Oktyabrın 2-də həbs edilən Q.Qurbanov Dərbəndin azərbaycanlı klanının lideri idi. Ondan əvvəl rayona 1962-ci ildən etibarən atası Səid Qurbanov başçılıq edib. Q.Qurbanovun qardaşı Maqomed isə Dağıstanın Bakıdakı nümayəndəsi idi. Ramazan Abdulatipov hakimiyyətə gələndən sonra onu işdən azad edib.
Son şərhlər