“Azərbaycan müstəqil və qətiyyətli siyasəti hazırda müxtəlif siyasi sahələrdə və treklərdə özünü isbatlamaqdadır”- :bu sözləri Elchi.az-a müsahibəsində siyasi şərhçi Rövşən Rəsulov deyib.
Siyasi ekspert eyni zamanda Qərb heç bir halda Azərbaycan kimi etibarlı, vədinə sadiq partnyorluğunu itirmək marağında ola bilmədiyini qeyd edib:
“Unutmamalıyıq ki, rəsmi Bakı Avropanın, bütövlükdə isə bir sıra aparıcı Qərb ölkələri ilə münasibətlərini strateji cəhətdən də inkişaf etdirməkdədir. Bu baxımdan, artıq indidən nəticə hasil edə bilərik ki, Ermənistan Qərb-Rusiya qarşıdurmasının episentrinə çevrilib və indi olmasa da nə zamansa həmin qarşıdurma partlayış həddinə çata bilər. Ona görə də, hazırda Azərbaycan regiondakı və dünyadakı mövqeyini daha da gücləndirmək istiqamətində planlarını icra edir və bu planların daxilində yalnız Qarabağın tamamilə azad edilməsi deyil, həm də digər məlum məsələlər dayanır. Düşünmürəm ki, mövcud siyasi olaylar fonunda Avropa və Qərb öz maraqlarını təmin etmək üçün Bakı ilə hər hansı konfrontasiyaya getsin. Daha dəqiq desək, Qərb üçün elə Ermənistan kifayət edir, amma onun öz məqsədlərini realizə edə bilib-bilməməsi də uzun zaman tələb edən bir məsələdir. Lakin hər şeyə rəğmən, Azərbaycanın itirəcəyi heç nə yoxdur və olmayacaq – Bakı baş verə biləcək istənilən təhlükələrin qarşısını almaq üçün daha əvvəldən öz rıçaqlarını sığortalayıb və möhkəmləndirib”.
Havar Şəfiyeva
Son şərhlər